ہمیر پور، 7 مئی (ہ س)۔ اتر پردیش کے ہمیر پور ضلع میں دریائے یمنا میں ایک کشتی الٹنے سے پیش آئے حادثے میں چار بچوں اور ایک خاتون کی موت ہو گئی۔ پانچوں کی لاشیں نکال لی گئی ہیں۔ کشتی میں نو افراد سوار تھے۔ تین کو بچا لیا گیا جبکہ ایک لاپتہ ہے۔ لاپتہ شخص کی تلاش جاری ہے۔

ہمیر پور ضلع کے کرارا تھانہ علاقے کے بھولی گاو¿ں کے راجو نشاد کی بیٹی کی شادی گزشتہ منگل کو ہوئی تھی۔ شادی کی تقریب میں کئی گاو¿ں کے رشتہ داروں نے اپنے اہل خانہ کے ساتھ شرکت کی۔ بدھ کو دلہن کی وداعی تقریب کے بعد راجو کے نو رشتہ داروں نے خربوزہ کھانے پر اصرار کیا۔ نشاد برادری کے لوگوں گرمیوں کے موسم میں دریائے یمنا کی ریت پر تربوز اور تربوز کاشت کی ہے ۔

بدھ کی شام گاو¿ں کے وشنو نشاد نے سب کو خربوزے کھلانے کے لیے کشتی میں بٹھایا۔ کشتی میں نو افراد سوار تھے جن میں پپو نشاد کی بیوی برجرانی، گھاٹم پور کے رہنے والے سرویش کی بیٹی ارچنا، بچن کی بیٹی رانی، رامہت کی بیٹی آکانکشا، لویانش ولد وشنو، گوریلال ولد مہیش اور آدتیہ ولد مہیش شامل تھے۔ خراب موسم کے باوجود کشتی دریائے جمنا کے اس پار پہنچی جہاں ریت سے خربوزے چننے کے بعد سب لوگ کشتی میں بیٹھ کر واپس لوٹنے لگے تو کشتی والے کی لاپرواہی کے باعث کشتی ندی کے درمیان میں الٹ گئی۔

حادثے سے کافی چیخ و پکار مچ گئی۔ وشنو تیر کر محفوظ مقام پر پہنچنے میں کامیاب ہو گئے، جبکہ مقامی غوطہ خوروں نے رنکو اور پارول کو دریا سے نکال کر اسپتال پہنچایا۔ملاح دھیرو نے بتایا کہ رشتہ دار اس کی بہن کی شادی میں آئے تھے اور وداعی کے بعد خربوزے کھانے کے لیے ایک کشتی میں دریائے یمنا پار کر گئے تھے۔ واپسی پر کشتی کنٹرول کھو بیٹھی اور دریا کے بیچوں بیچ الٹ گئی۔

پولیس سپرنٹنڈنٹ مریگانک شیکھر پاٹھک نے بتایا کہ بچاو مہم میں ندی سے منکی کلاں گاوں رہائشی پپو نشاد کی بیوی برجرانی (35)، گھاٹم پور رہائشی سرویش کی بیٹی ارچنا (14)،کوتو پور گاوں کے رہائشی بچن کی بیٹی رانی (9)،منکی گاوں رہائشی پپو کے بیٹے لویانش (5)، رام ہیت کی بنیٹی اکانشا کی لاشیں برآمد ہو گئی ہیں۔ دیگر لاپتہ فرد کی تلاش جاری ہے۔

ضلع مجسٹریٹ ابھیشیک گوئل نے کہا کہ مرنے والوں کے لواحقین کو 4 لاکھ روپے کی مالی امداد فراہم کی جائے گی۔

وزیر اعلی یوگی آدتیہ ناتھ نے واقعہ پر افسوس کا اظہار کرتے ہوئے امدادی کاموں میں تیزی لانے کی ہدایت دی ہے۔ انہوں نے ایکس پر لکھا، ضلع ہمیر پور میں کشتی کے حادثے میں جانی نقصان بہت افسوسناک ہے۔ میری تعزیت سوگوار خاندانوں کے ساتھ ہے۔ میں نے متعلقہ حکام کو امدادی کاموں میں تیزی لانے کی ہدایت کی ہے۔ میں بھگوان شری رام سے مرنے والوں کی آتما کی شانتی اور غمزدہ خاندانوں کو اس بے پناہ غم کو برداشت کرنے کی طاقت دینے کی دعا کرتا ہوں۔“

ہندوستھان سماچار

ہندوستان سماچار / محمد شہزاد