کولکاتہ، 6 مئی (ہ س)۔

مغربی بنگال میں نئی حکومت کی تشکیل کا عمل اب تیز ہوگیا ہے۔ بدھ کو چیف الیکٹورل آفیسر منوج کمار اگروال نے گورنر آر این روی سے ملاقات کی۔ لوک بھون میں الیکشن کمیشن کا ایک اعلیٰ سطحی وفد بھی ان کے ہمراہ تھا۔

اس ملاقات کے دوران الیکشن کمیشن کی جانب سے نئی قانون ساز اسمبلی کی تشکیل کے حوالے سے جاری کردہ باضابطہ نوٹیفکیشن گورنر کو پیش کیا گیا۔ 2026 کے اسمبلی انتخابات میں 294 سیٹیں جیتنے والے امیدواروں کے سرٹیفکیٹس سے متعلق دستاویزات بھی جمع کرائے گئے۔

لوک بھون کے تاریخی 'تھرون ہال' میں گورنر اور الیکشن کمیشن کے افسران کے درمیان طویل بحث ہوئی۔ میٹنگ کے بعد تمام عہدیداروں نے ایک ساتھ فوٹو سیشن میں بھی حصہ لیا۔

اس میٹنگ کے ساتھ ہی ریاست میں نئی حکومت کی تشکیل کا راستہ مکمل طور پر صاف ہو گیا ہے، اور حکومت سازی کی حتمی تیاریوں کو اب تیز کر دیا گیا ہے۔

ہندوستھان سماچار

ہندوستان سماچار / عطاءاللہ