نئی دہلی، 6 مئی (ہ س ):

راو¿ز ایونیو کورٹ نے بدھ کو ریلوے ٹینڈر منی لانڈرنگ کیس میں ملزمین کے خلاف الزامات طے کرنے کو ملتوی کردیا۔ خصوصی جج وشال گوگنے نے اب فیصلہ 22 مئی کو سنانے کا حکم دیا ہے۔

عدالت نے 13 فروری کو اپنا فیصلہ محفوظ رکھا۔ 28 جنوری 2019 کو عدالت نے انفورسمنٹ ڈائریکٹوریٹ (ای ڈی) کی طرف سے دائر کیس میں لالو یادو، رابڑی دیوی اور تیجسوی یادو کو باقاعدہ ضمانت دے دی۔ عدالت نے ایک ایک لاکھ روپے کے ذاتی مچلکے پر ضمانت منظور کی۔ 19 جنوری 2019 کو عدالت نے لالو یادو کو سنٹرل بیورو آف انویسٹی گیشن (سی بی آئی) کی طرف سے دائر کیس میں باقاعدہ ضمانت دے دی۔ عدالت نے 13 اکتوبر 2025 کو سی بی آئی سے متعلقہ ریلوے ٹینڈر گھوٹالہ کیس میں لالو یادو، رابڑی دیوی، اور تیجسوی یادو سمیت دیگر ملزمان کے خلاف الزامات طے کرنے کا حکم دیا۔

عدالت نے ای ڈی کی طرف سے 17 ستمبر 2018 کو داخل کی گئی چارج شیٹ کا نوٹس لیاتھا۔ اس معاملے میں لالو پرساد یادو، رابڑی دیوی سمیت 16 دیگر کو ملزم کے طور پر نامزد کیا گیا ہے۔ ای ڈی نے لالو پرساد، رابڑی دیوی، تیجسوی یادو، میسرز لارا پروجیکٹ ایل ایل پی، سرلا گپتا، پریم چند گپتا، گورو گپتا، ناتھ مل ککرانیا، راہل یادو، وجے ترپاٹھی، دیوکی نندن تلسیان، میسرز سجاتا ہوٹل، ونے کوچر، وجے کوچر، راجیو کمار ریلان اور میسرز ابھیشیک فائنانس پرائیویٹ لمیٹیڈ کو ملزم بنایا گیا ہے ۔

لالو یادو پر ریلوے کے وزیر رہتے ہوئے ریلوے کے دو ہوٹلوں کو آئی آر سی ٹی سی کو منتقل کرنے اور ہوٹلوں کی دیکھ بھال کے لیے ٹینڈر جاری کرنے کا الزام ہے۔ رانچی اور پوری میں دو ہوٹلوں کی الاٹمنٹ کوچر برادران کی ملکیت والی کمپنی سجاتا ہوٹل کو منتقل کر دی گئی۔

ہندوستھان سماچار

ہندوستان سماچار / عطاءاللہ