نئی دہلی، 6 مئی (ہ س)۔ بے لوث خدمت، ہمدردی اور انسانیت کی قدروں پر زور دیتے ہوئے، وزیر اعظم نریندر مودی نے ایک سنسکرت کا زریں قول شیئر کیا ہے۔ انہوں نے کہا کہ بے لوث جذبے کے ساتھ انجام دیا جانے والا کام انسانیت کی حقیقی پہچان ہے- ایسا عمل جو نہ صرف فرد کو روحانی تسکین دیتا ہے بلکہ معاشرے کی فلاح و بہبود میں بھی اہم کردار ادا کرتا ہے۔

آج سوشل میڈیا پلیٹ فارم ایکس پر لکھتے ہوئے، وزیراعظم نے کہا کہ بغیر کسی خود غرضی کے کیے جانے والے اقدامات اندرونی خوشی پیدا کرتے ہیں اور ساتھ ہی معاشرے کو ایک بہتر مقام بنانے میں اہم رول ادا کرتے ہیں۔ انہوں نے سنسکرت کا ایک زریں قول بھی شیئر کیا۔ اس کا مفہوم یہ ہے کہ کسی بھی جاندار کے ساتھ کوئی بغض نہ رکھنا — خواہ وہ سوچ میں ہو، قول میں یا عمل میں — سب کے ساتھ مہربانی اور احسان کا رویہ برقرار رکھنا، اور خیراتی ہونا، اخلاق کی اعلیٰ ترین شکلیں سمجھی جاتی ہیں۔

ہندوستھان سماچار

---------------

ہندوستان سماچار / عبدالواحد