احمد آباد، 3 مئی (ہ س):۔

گجرات ٹائٹنز نے آئی پی ایل 2026 میں شاندار کارکردگی کا مظاہرہ کرتے ہوئے ٹیبل ٹاپرز پنجاب کنگز کو 4 وکٹوں سے شکست دے کر مسلسل تیسری جیت درج کی۔ اس شکست کے باوجود پنجاب کنگز پوائنٹس ٹیبل پر سرفہرست ہیں۔

نریندر مودی اسٹیڈیم میں کھیلے گئے میچ میں گجرات نے ٹاس جیت کر پہلے گیند بازی کا فیصلہ کیا۔ پنجاب کی ٹیم 20 اوورز میں 9 وکٹوں کے نقصان پر 163 رنز ہی بنا سکی۔ جواب میں گجرات نے 164 رنز کا ہدف 19.5 اوورز میں 6 وکٹوں کے نقصان پر حاصل کر لیا۔ جیت کے ہیرو واشنگٹن سندر تھے جنہوں نے آخری لمحات میں چھکا لگا کر میچ کا اختتام کیا۔

رن کے تعاقب میں گجرات کا آغاز اچھا نہیں تھا، کپتان شبھمن گل جلد آو¿ٹ ہو گئے۔ سائی سدرشن نے پھر اننگز کو مستحکم کرتے ہوئے جوس بٹلر کے ساتھ اہم شراکت داری قائم کی۔ سدرشن نے شاندار نصف سنچری بنا کر ٹیم کو مضبوط پوزیشن میں پہنچا دیا۔ ان کے آو¿ٹ ہونے کے بعد راہل تیوتیا اور واشنگٹن سندر نے تحمل سے بلے بازی کرتے ہوئے فتح کو یقینی بنایا۔

اس سے قبل پنجاب کنگز کا آغاز تباہ کن تھا، اس نے صرف 47 رنز پر 5 وکٹیں گنوا دیں۔ تاہم سرینش شیڈگے نے دباو¿ میں شاندار بلے بازی کرتے ہوئے 29 گیندوں میں 57 رنز بنائے۔ انہوں نے مارکس اسٹوئنس کے ساتھ مل کر ٹیم کو باوقار اسکور تک پہنچایا۔ اسٹونیس نے بھی 40 رنز بنائے۔

گجرات کی جانب سے جیسن ہولڈر سب سے کامیاب بولر رہے جنہوں نے 4 وکٹیں حاصل کیں اور پنجاب کی بیٹنگ کو سنبھلنے سے روکا۔ محمد سراج اور کاگیسو ربادا نے 2،2 وکٹیں لے کر ٹیم کی فتح میں اہم کردار ادا کیا۔

اس جیت کے ساتھ گجرات ٹائٹنز نے پلے آف کی دوڑ میں اپنی پوزیشن مضبوط کر لی ہے جبکہ پنجاب کنگز کو مسلسل دوسری شکست کے بعد اپنی حکمت عملی پر نظر ثانی کرنا ہو گی۔

ہندوستھان سماچار

ہندوستان سماچار / عطاءاللہ