لکھنو¿، 31 مئی (ہ س)۔ اتر پردیش کو تقریباً چار سال بعد آخر کار ڈائرکٹر جنرل آف پولیس (ڈی جی پی) مل گیا ہے۔ ریاستی حکومت نے 1991 بیچ کے آئی پی ایس افسر اور موجودہ قائم مقام ڈی جی پی راجیو کرشنا کو اتر پردیش کا مستقل ڈی جی پی مقرر کیا ہے۔ اس سلسلے میں اتوار کی شام ایڈیشنل چیف سکریٹری برائے داخلہ سنجے پرساد نے ایک حکم جاری کیا۔

دراصل، 11 مئی 2022 کو ریاستی حکومت نے اس وقت کے ڈی جی پی مکل گوئل کو ان کے عہدے سے ہٹا دیا تھا۔ اس کے بعد ریاست میں صرف قائم مقام ڈی جی پی کی تقرری کی گئی۔ اس معاملے کو لے کر اپوزیشن پارٹیاں یوگی حکومت پر لگاتار حملہ کر رہی تھیں۔

اس سے پہلے، یونین پبلک سروس کمیشن (یو پی ایس سی) نے 1990 بیچ کے آئی پی ایس افسران رینوکا مشرا، 1991 بیچ کے آئی پی ایس افسران پیوش آنند اور راجیو کرشنا کے نام 26 مئی کو ہونے والی اپنی میٹنگ میں پیش کیے تھے۔ حکومتی سطح پر اس پینل پر غور و خوض کرنے کے بعد، وزیر اعلی یوگی آدتیہ ناتھ نے موجودہ ڈی جی پی کرشنا کی بطور موجودہ ڈی جی پی تقرری کو منظوری دی۔

---------------

ہندوستان سماچار / عبدالسلام صدیقی