کامروپ (آسام)، 31 مئی (ہ س)۔

آسام کے رنگیا علاقے میں نجی ہچنگ پرائمری اسکول کے کیمپس میں اتوار کو پاکستانی پرچم کی دریافت نے علاقے میں کشیدگی کو جنم دیا۔ اس واقعہ سے اشتعال پھیل گیا اور انتظامیہ نے فوری طور پر تحقیقات کا آغاز کر دیا۔

اطلاعات کے مطابق اتوار کی صبح جب اساتذہ اور طلباء اسکول پہنچے تو انہیں کیمپس کے اندر ایک اونچے مقام پر لہرایا ہوا جھنڈا ملا۔ اطلاع ملتے ہی علاقہ مکین اور مختلف تنظیموں کے ارکان جائے وقوعہ پر پہنچ گئے اور واقعہ کی مذمت کرتے ہوئے اعلیٰ سطحی تحقیقات کا مطالبہ کیا۔

واقعہ کی اطلاع پولیس کو دی گئی جس کے بعد رنگیا پولیس کی ٹیم جائے وقوعہ پر پہنچی اور حالات کو قابو میں کیا۔ پولیس نے جھنڈا قبضے میں لے کر تفتیش شروع کر دی۔

کچھ تنظیموں نے اس واقعے پر احتجاج بھی کیا اور ملزمین کے خلاف سخت کارروائی کا مطالبہ کیا۔ پولیس ملزم کی شناخت کے لیے قریبی سی سی ٹی وی کیمروں کی فوٹیج کا جائزہ لے رہی ہے۔

انتظامیہ نے عوام سے امن برقرار رکھنے کی اپیل کی ہے اور کہا ہے کہ معاملے کی سنجیدگی سے تحقیقات کی جا رہی ہیں اور قصورواروں کے خلاف قانون کے تحت کارروائی کی جائے گی۔

ہندوستھان سماچار

ہندوستان سماچار / عطاءاللہ