نئی دہلی، 31 مئی (ہ س)۔ وزیر اعظم نریندر مودی نے لوک ماتا اہلیہ بائی ہولکر کو ان کے یوم پیدائش پر خراج عقیدت پیش کیا۔ انہوں نے کہا کہ اہلیہ بائی ہولکر کی زندگی سماج، ثقافت اور قوم کی تعمیر کے لیے وقف کی علامت ہے۔

وزیر اعظم نے سوشل میڈیا پلیٹ فارم ایکس پر اپنی پوسٹ میں کہا کہ پوری قوم لوک ماتا اہلیہ بائی ہولکر کو ان کی دانشمندی، ہمدردی اور عوامی فلاح و بہبود کے لیے غیر متزلزل عزم کے لیے عقیدت کے ساتھ یاد کرتی ہے۔

انہوں نے کہا کہ ان کی زندگی گڈ گورننس، حب الوطنی اور ثقافتی فخر کی روشن مثال ہے۔ انہوںنے ہمت اور لگن کے ساتھ حکومت کی۔

وزیر اعظم نے انصاف اور عوامی بہبود کے لیے ان کی خدمات کو تاریخی قرار دیا اور ملک بھر میں مذہبی مقامات اور تیرتھوں کی تعمیر نو میں ان کے کردار کا خصوصی ذکر کیا۔

انہوں نے کہا کہ اہلیہ بائی ہولکر کی زندگی سماج، ثقافت اور قوم کی تعمیر کے تئیں لگن کی علامت ہے اور آنے والی نسلوں کو تحریک دیتی رہے گی۔

قابل ذکر ہے کہ اہلیہ بائی ہولکر 18ویں صدی میں اندور ریاست کی حکمران تھیں اور ان کا تعلق ہولکر خاندان سے تھا۔ خیال کیا جاتا ہے کہ ان کا دور حکومت 1725 سے 1795 تک رہا۔ انہوں نے دارالحکومت مہیشور سے انتظامی چلایا اوروہ اپنی اچھی حکمرانی کے لیے مشہور تھیں۔ انہوں نے کاشی وشوناتھ اور سومناتھ سمیت ملک بھر میں بہت سے بڑے مندروں اور تیرتھوں کی تعمیر نو اور تحفظ میں اہم کردار ادا کیا۔ ان کی حکمرانی کو منصفانہ، عوامی جذبہ اور ثقافتی نشاة ثانیہ سے وابستہ سمجھا جاتا ہے۔

---------------

ہندوستان سماچار / عبدالسلام صدیقی