ہریش چودھری ایم پی کے مالوا-نماڑ دورے پر ، ریاستی کانگریس کو مضبوط کرنے کے لیے حکمتِ عملی پر توجہ

بھوپال، 31 مئی (ہ س)۔

مدھیہ پردیش کانگریس کے انچارج ہریش چودھری آنے والے 2 سے 5 جون تک مالوا۔نماڑ علاقے کے مختلف اضلاع کا دورہ کریں گے۔ اس دوران وہ تنظیم کو زمینی سطح پر مضبوط بنانے، کارکنوں کے ساتھ رابطہ قائم کرنے اور آئندہ کے سیاسی پروگراموں کی حکمتِ عملی پر تبادلہ خیال کریں گے۔

کانگریس کے ریاستی میڈیا انچارج مکیش نایک نے اتوار کے روز معلومات دیتے ہوئے بتایا کہ دورے کے دوران ہریش چودھری نیمچ، مندسور، رتلام اور اجین اضلاع میں ضلع رابطہ کمیٹی کی میٹنگوں، اسمبلی انچارجوں کی جائزہ میٹنگوں اور بلاک، منڈل و شہر صدور کے تربیتی کیمپوں میں شامل ہوں گے۔ کانگریس تنظیم کا مقصد بوتھ سطح تک تنظیمی ڈھانچے کو مضبوط کرنا، کارکنوں کے کردار کو مزید موثر بنانا اور آنے والے سیاسی چیلنجوں کے لیے تنظیم کو تیار کرنا ہے۔

کانگریس قیادت کا ماننا ہے کہ یہ دورہ تنظیم کو نئی توانائی فراہم کرے گا اور کارکنوں و عہدیداران کے درمیان بہتر تال میل قائم کرنے میں اہم کردار ادا کرے گا۔ ساتھ ہی پارٹی کے نظریات اور پروگراموں کو عوام الناس تک پہنچانے کے لیے بھی یہ مہم فیصلہ کن ثابت ہوگی۔ دورے کے دوران ریاستی کانگریس صدر، سینئر عہدیداران، ضلع کانگریس صدور، اسمبلی انچارج، بلاک اور منڈل صدور سمیت بڑی تعداد میں کانگریس کارکنان موجود رہیں گے۔

ہندوستھان سماچار

---------------

ہندوستان سماچار / انظر حسن