نئی دہلی، 31 مئی (ہ س)۔ ہندوستان اور عمان کے درمیان جامع اقتصادی شراکت داری کا معاہدہ (سی ای پی اے) یکم جون سے نافذ العمل ہوگا۔ دونوں ممالک پیر کو اس کا باضابطہ اعلان کریں گے۔ معاہدے کا نفاذ عمانی بازار میں ہندوستانی اشیاء اور خدمات کے لیے زیادہ مواقع فراہم کرے گا اور دونوں ممالک کے درمیان تجارتی تعلقات کو مضبوط کرے گا۔

ہندوستان-عمان جامع اقتصادی شراکت داری معاہدہ (سی ای پی اے) پر گزشتہ سال دسمبر میں دستخط ہوئے تھے۔ یہ معاہدہ عمان کو ہندوستان کی تقریباً 99 فیصد برآمدات کے لیے تقریباً مکمل ڈیوٹی فری رسائی فراہم کرتا ہے۔ مرکزی کامرس اور صنعت کے وزیر پیوش گوئل نے اس ماہ ایک تقریب میں اپنے خطاب میں کہا کہ ہندوستان اور عمان کے درمیان آزاد تجارتی معاہدہ یکم جون سے نافذ العمل ہوگا، جس کے تحت ہندوستان کا مقصد اگلے پانچ سالوں میں 2 ٹریلین ڈالر کی اشیاءبرآمد کرنا ہے۔ گوئل نے یہ بھی کہا کہ دوسرے ممالک کے ساتھ بہت سے آزاد تجارتی معاہدے (ایف ٹی اے) جلد ہی نافذ کیے جائیں گے اور ان کے قانونی ہونے کا عمل جاری ہے۔

بھارت نے 2014 سے لے کر اب تک چار تجارتی معاہدوں پر عمل درآمد کیا ہے، جس میں ماریشس کے ساتھ تجارتی معاہدہ اپریل 2021 میں نافذ العمل ہو رہا ہے۔ اس کے بعد دسمبر 2022 میں آسٹریلیا، مئی 2022 میں متحدہ عرب امارات اور اکتوبر 2025 میں سوئٹزرلینڈ، آئس لینڈ، لکٹنسٹین اور ناروے کے ساتھ معاہدے ہوئے۔اس کے علاوہ بھارت نے برطانیہ اور نیوزیلینڈ کے ساتھ بھی تجارتی سمجھوتے پر دستخط کئے ہیں۔

---------------

ہندوستان سماچار / عبدالسلام صدیقی