چنڈی گڑھ، 31 مئی (ہ س)۔

ریلوے اور فوڈ پروسیسنگ کے مرکزی وزیر مملکت رونیت سنگھ بٹو نے پہلی بارش کے دوران ہلوارہ بین الاقوامی ہوائی اڈے کے کمپلیکس کو پہنچنے والے نقصان پر سخت تشویش کا اظہار کیا ہے۔ انہوں نے کہا کہ ایئرپورٹ جیسے اہم اور باوقار منصوبے کے معیار اور حفاظت کے حوالے سے غفلت برداشت نہیں کی جائے گی۔ انہوں نے کہا کہ متعلقہ حکام سے نقصانات کا تفصیلی جائزہ لینے کے لیے رپورٹ طلب کر لی گئی ہے۔

اپنے سوشل میڈیا پلیٹ فارم فیس بک پر ہوائی اڈے کی ایک ویڈیو شیئر کرتے ہوئے روونیت سنگھ بٹو نے کہا کہ انہیں بارش سے ہونے والے نقصان کی اطلاع ملی ہے اور متعلقہ حکام سے رپورٹ طلب کی ہے۔ انہوں نے کہا کہ یہ انتہائی افسوس ناک ہے کہ کروڑوں روپے کی لاگت سے تعمیر ہونے والے ہلوارہ انٹرنیشنل ایئرپورٹ پر پہلی بارش نے تعمیراتی کام کے معیار پر سوالیہ نشان لگا دیا ہے۔

بٹو نے کہا کہ تیز ہواو¿ں اور بارش کی وجہ سے ہوائی اڈے کی عمارت کو پہنچنے والے نقصان سے مسافروں اور ملازمین کی حفاظت کو شدید خطرات لاحق ہو سکتے ہیں۔انہوں نے کہا کہ عوام کے تحفظات کے پیش نظر اس معاملے کی غیر جانبدارانہ تحقیقات ضروری ہے۔

مرکزی وزیر نے مطالبہ کیا کہ متعلقہ محکمہ تعمیرات عامہ (پی ڈبلیو ڈی) کے افسران اور تعمیرات میں ملوث ٹھیکیدار کے کردار کی تحقیقات کی جائیں۔ انہوں نے کہا کہ تعمیرات میں کسی بھی سطح پر غفلت یا نقائص پائے گئے تو ذمہ داروں کے خلاف سخت کارروائی کی جائے تاکہ مستقبل میں ایسے واقعات کا اعادہ نہ ہو۔

قابل ذکر ہے کہ ہفتہ کے روز شدید بارش اور طوفان کے دوران ہلوارہ ہوائی اڈے کے ٹرمینل کی عمارت کے کچھ حصوں میں پانی کے رساو، فالس سیلنگ کو نقصان اور دیگر نقصانات کی اطلاع ملی تھی۔

ہندوستھان سماچار

ہندوستان سماچار / عطاءاللہ