نئی دہلی،31مئی (ہ س)۔ دہلی کی وزیر اعلی ریکھا گپتا نے اتوار کے روز جنوبی دہلی میں ساکیت میٹرو اسٹیشن کے قریب حادثے کی جگہ کا دورہ کیا جہاں ایک پانچ منزلہ عمارت گر گئی اور امدادی اور بچاو¿ کی کارروائیوں کا جائزہ لیا۔ انہوں نے جائے وقوعہ پر واقعے کی مکمل معلومات حاصل کیں اور وہاں جاری بچاو¿ کے کام کا جائزہ لیا۔ انہوں نے حادثے کی مجسٹریٹ تحقیقات کا حکم دیا ہے۔ وزیر اعلی نے نیشنل ڈیزاسٹر رسپانس فورس (این ڈی آر ایف)، دہلی فائر سروس، دہلی پولیس، ضلع انتظامیہ، دہلی ڈیزاسٹر مینجمنٹ اتھارٹی (ڈی ڈی ایم اے)، سول ڈیفنس اور دیگر ایجنسیوں کے ذریعے مشترکہ طور پر کی جانے والی امدادی اور بچاو¿ کی کارروائیوں کے بارے میں دریافت کیا۔ انہوں نے حکام کو ہدایت کی کہ بچاو¿ کی کارروائیوں میں کوئی لاپرواہی نہیں ہونی چاہیے اور ممکنہ طور پر پھنسے ہوئے ہر شخص کی انتہائی سنجیدگی اور حساسیت کے ساتھ تلاشی لی جانی چاہیے۔وزیر اعلی نے مختلف اسپتالوں میں داخل زخمیوں کی صحت کے بارے میں بھی دریافت کیا۔ انہوں نے متاثرہ خاندانوں سے بھی ملاقات کی اور انہیں تسلی دی۔ انہوں نے یقین دلایا کہ متاثرین کو ہر ممکن مالی اور انتظامی مدد فراہم کی جائے گی۔وزیر اعلی کی ہدایت پر تیزی سے عمل کرتے ہوئے مہرولی پولیس اسٹیشن میں فوجداری مقدمہ درج کیا گیا ہے۔ اس کے علاوہ حادثے کی اصل وجہ کا پتہ لگانے اور ذمہ داری طے کرنے کے لیے جنوبی ضلع کے ضلع مجسٹریٹ کی سربراہی میں مجسٹریٹ انکوائری کا حکم دیا گیا ہے۔وزیر اعلی نے کہا کہ شہریوں کی حفاظت اولین ترجیح ہے اور کسی بھی قسم کی لاپرواہی کو برداشت نہیں کیا جائے گا۔ انہوں نے متعلقہ محکموں کو عمارت گرنے کی وجوہات کی تفصیلی تحقیقات کرنے اور تعمیر میں کوئی بے ضابطگی، حفاظتی معیارات کی نظرانداز یا کسی قسم کی انتظامی لاپرواہی سامنے آنے پر ذمہ داروں کے خلاف سخت کارروائی کو یقینی بنانے کی ہدایت کی۔ انہوں نے سیدولجب اور ملحقہ علاقوں میں خستہ حال، خطرناک اور غیر قانونی عمارتوں کا فوری سروے اور معائنہ کرنے کی ہدایت کی۔
انہوں نے کہا کہ عوام کی حفاظت کے لیے خطرہ بننے والی عمارتوں کے خلاف قواعد کے مطابق سخت کارروائی کی جائے تاکہ مستقبل میں اس طرح کے واقعات کو روکا جا سکے۔ وزیر اعلی نے متعلقہ محکموں کے عہدیداروں کو خبردار کیا کہ غیر قانونی تعمیرات کی سرپرستی کرنے والے یا اپنی ذمہ داریوں کو نبھانے میں لاپرواہی کرنے والے اہلکاروں کو جوابدہ ٹھہرایا جائے گا۔ قصورواروں کے خلاف سخت کارروائی کی جائے گی۔
ہندوستھان سماچار
ہندوستان سماچار / Mohammad Khan
