بنگلورو، 30 مئی (ہ س)۔ کرناٹک کانگریس لیجسلیٹو پارٹی (سی ایل پی) کی ایک اہم میٹنگ آج بنگلورو میں منعقد ہو رہی ہے، جس کے دوران ریاست کے اگلے وزیر اعلیٰ کے انتخاب کے عمل کو باضابطہ طور پر آگے بڑھایا جائے گا۔وہیں یہ یقینی سمجھا جارہاہے کہ موجودہ ریاستی کانگریس صدر اور سابق نائب وزیر اعلیٰ ڈی کے۔ شیوکمار کو قانون ساز پارٹی کا نیا لیڈر منتخب کیا جائے گا۔

میٹنگ آج شام چار 4 بجے ودھان سودھا کی تیسری منزل پر واقع کانفرنس ہال میں ہونے والی ہے۔ سی ایل پی سکریٹری الم پربھو پاٹل نے تمام کانگریس ایم ایل ایز کو میٹنگ میں ان کی موجودگی کو لازمی قرار دیتے ہوئے ہدایات جاری کی ہیں۔

جمعہ کو کرناٹک کے گورنر تھاور چند گہلوت نے سابق وزیر اعلیٰ سدھارامیا کا استعفیٰ قبول کر لیا۔ اس کے ساتھ ہی ریاستی کابینہ کو بھی تحلیل کر دیا گیا ہے۔ اسی پس منظر میں کانگریس لیجسلیٹیو پارٹی کی میٹنگ بلائی گئی ہے۔

اجلاس کی صدارت سدھارامیا کریں گے۔ اس موقع پر کانگریس کے کرناٹک انچارج رندیپ سنگھ سرجے والا، قانون ساز کونسل میں قائد ایوان این ایس۔ بھوساراجو اور ڈی کے شیوکمار، پارٹی کے دیگر سینئر لیڈروں اور تمام کانگریس ایم ایل اے کے ساتھ موجود رہیں گے۔

---------------

ہندوستان سماچار / عبدالسلام صدیقی