بنگلورو، 30 مئی (ہ س) کرناٹک کی سیاست میں ایک اہم پیش رفت میں، کانگریس لیجسلیچر پارٹی نے ڈی کے۔ شیوکمار کو اپنالیڈر مقررکیا۔ کانگریس لیجسلیچر پارٹی میٹنگ میں ان کے نام پر اتفاق رائے کے بعد انہیں باضابطہ طور پر قانون ساز پارٹی کا لیڈر قرار دیا گیا۔
قانون ساز پارٹی کے لیڈر کے طور پر ان کے انتخاب کے ساتھ ہی ڈی کے شوکمارکے لیے راستہ صاف ہو گیا ہے۔ وہ کرناٹک کے اگلے وزیر اعلیٰ بنیں گے۔ کانگریس کے قانون ساز اجلاس کے دوران اس کا باقاعدہ اعلان کیا گیا۔ پارٹی قیادت اور قانون سازوں نے ان کے انتخاب کا خیرمقدم کیا اور اس اعتماد کا اظہار کیا کہ ان کی قیادت میں کانگریس کی حکومت ریاست میں عوامی بہبود اور ترقی کے مسائل کو ترجیح دے گی۔
میٹنگ کے دوران کانگریس کے سینئر لیڈروں اور ایم ایل ایز نے پارٹی تنظیم کو مضبوط کرنے اور ریاست کی ترقی کے لیے مل کر کام کرنے کا عزم کیا۔
ڈی کے شیوکمار طویل عرصے سے کرناٹک کانگریس کے سرکردہ رہنما رہے ہیں اور تنظیمی سطح پر فعال کردار ادا کیا ہے۔ قانون ساز پارٹی لیڈر منتخب ہونے کے بعد اب ان کی بطور وزیر اعلیٰ حلف برداری کا باقاعدہ عمل شروع ہو گا۔
کانگریس قائدین نے امید ظاہر کی ہے کہ نئی قیادت میں ریاستی حکومت ترقی، انتظامی اصلاحات اور عوامی بہبود کی اسکیموں کے موثر نفاذ پر خصوصی توجہ دے گی۔
---------------
ہندوستان سماچار / عبدالسلام صدیقی
