پولیس انکاونٹر میں تین شاطر گرفتار، دو کے پیر میں گولی لگی

اوریا، 03 مئی (ہ س)۔ اتر پردیش کے اوریا ضلع میں مجرموں کے خلاف چلائی جا رہی مہم کے تحت بدھونا پولیس، سواٹ اور سرویلانس ٹیم نے مشترکہ کارروائی کرتے ہوئے بڑی کامیابی حاصل کی۔ قنوج-اوریا سرحد پر گپچریا پلیا کے پاس چیکنگ کے دوران پولیس اور بدمعاشوں کے درمیان تصادم ہو گیا، جس میں تین شاطر ملزمان گرفتار کیے گئے۔

ایڈیشنل سپرنٹنڈنٹ آلوک مشرا نے بتایا کہ پولیس کے رکنے کے اشارے پر بدمعاش بھاگنے لگے، لیکن موٹر سائیکل پھسلنے سے گر پڑے۔ خود کو گھرتا دیکھ کر بدمعاش نے پولیس ٹیم پر فائرنگ کر دی، جس کے جواب میں پولیس نے خود کے دفاع میں فائرنگ کی۔ اس دوران دو بدمعاشوں کے پیر میں گولی لگی۔

زخمیوں کی شناخت جتیندر عرف موٹا اور راج کپور کے طور پر ہوئی ہے، جبکہ تیسرے ملزم پردیپ کو موقع سے گرفتار کیا گیا۔ تینوں کو علاج کے لیے سی ایچ سی بدھونا بھیجا گیا، جہاں ان کی حالت خطرے سے باہر بتائی جا رہی ہے۔

پوچھ گچھ میں ملزمان نے 27 اپریل کو ایک عمر رسیدہ شخص سے 50 ہزار روپے کی ٹھگی کی واردات کا اعتراف کیا۔ وہ لوگوں کو لفٹ دینے کے بہانے بائیک پر بٹھا کر راستے میں جیب کاٹ لیتے تھے۔ پولیس اب آگے کی قانونی کارروائی میں مصروف ہے۔

ہندوستھان سماچار

---------------

ہندوستان سماچار / انظر حسن