پرتھ، 29 مئی (ہ س)۔ ہندوستانی خواتین ہاکی ٹیم نے جمعہ کو پرتھ ہاکی اسٹیڈیم میں کھیلے گئے دوستانہ سیریز کے تیسرے میچ میں آسٹریلیا کو 0-2 سے شکست دے کر شاندار فتح درج کی۔ اس جیت کے ساتھ ہی ہندوستان نے چار میچوں کی سیریز میں 1-2 کی برتری حاصل کر لی ہے۔ افتتاحی میچ میں شکست سے دوچار ہونے کے بعد، ہندوستانی ٹیم نے دوسرے گیم میں 4-2 سے شوٹ آؤٹ فتح حاصل کی تھی اور اب اس نے تیسرا میچ بھی اپنے نام کر لیا ہے۔

دونوں ٹیموں کے درمیان تیسرے میچ میں شروع سے ہی مضبوط دفاعی کھیل دیکھنے میں آیا۔ پہلے دو کوارٹر کے دوران کسی بھی ٹیم نے گول نہیں کیا اور ہاف ٹائم تک مقابلہ 0-0 سے برابر رہا۔ ہندوستان نے تیسرے کوارٹر میں ایک کامیابی حاصل کی جب سونم نے 36ویں منٹ میں فیلڈ گول کرکے اپنی ٹیم کو برتری دلادی۔

ہندوستانی ٹیم نے آخری کوارٹر میں بھی اپنا تسلط برقرار رکھا۔ 49ویں منٹ میں لالریمسیامی نے ایک اور فیلڈ گول کر کے برتری کو 0-2 کر دیا۔ اس کے ساتھ ہی ہندوستان نے میچ جیت لیا۔ سیریز کا چوتھا اور آخری میچ اسی مقام پر 30 مئی بروز ہفتہ پاکستانی وقت کے مطابق صبح 11 بجے کھیلا جانا ہے۔

ہندوستھان سماچار

---------------

ہندوستان سماچار / عبدالواحد