سنگاپور، 28 مئی (ہ س)۔

دو بار کی اولمپک تمغہ جیتنے والی پی وی سندھو نے شاندار کارکردگی کا مظاہرہ کیا اور سنگاپور اوپن سپر 750 بیڈمنٹن ٹورنامنٹ کے خواتین کے سنگلز زمرے کے کوارٹر فائنل میں پہنچ گئیں۔

سندھو نے دوسرے راو¿نڈ میں جاپان کی ریکو گنجی کو سیدھے گیمز میں 21-9، 21-12 سے شکست دی۔ یہ میچ صرف 37 منٹ تک جاری رہا اور ہندوستانی اسٹار نے شروع سے ہی مکمل غلبہ برقرار رکھا۔

تاہم، سندھو کو کوارٹر فائنل میں سخت چیلنج کا سامنا کرنا پڑے گا، جہاں اس کا مقابلہ کوریا کی ٹاپ سیڈ این سی ینگ سے ہوگا۔

مردوں کے ڈبلز زمرے میں چوتھی سیڈ ہندوستانی جوڑی ساتوک سائراج رینکی ریڈی اور چراغ شیٹی نے چائنیز تائی پے کے لی جے ہوئی اور یانگ پو شوان کو سخت مقابلے کے مقابلے میں 21-15، 11-21، 21-18 سے شکست دے کر آخری آٹھ میں جگہ بنالی۔ ہندوستانی جوڑی نے ایک گھنٹے تک جاری رہنے والے میچ میں فیصلہ کن گیم میں زبردست واپسی کی۔

ساتوک اور چراغ کا مقابلہ اب ملائیشیا کے کھائی شنگ کانگ اور ہارون تائی سے ہوگا۔

مکسڈ ڈبلز کیٹیگری میں بھارت کے دھرو کپیلا اور تنیشا کرسٹو نے بھی کوارٹر فائنل میں جگہ بنالی۔ ہندوستانی جوڑی نے جاپان کی یوتا و تانابے اور مایا تاگوچی کو 8-21، 21-17، 21-16 سے شکست دی۔

دھرو اور تنیشا کا مقابلہ اب کوریا کے کم جے ہیون-جانگ ہا جیونگ اور ملائیشیا کے تیسرے نمبر کے چن تانگ جی-تو ای وی کے درمیان ہونے والے میچ کے فاتح سے ہوگا۔

ہندوستھان سماچا ر

ہندوستان سماچار / عطاءاللہ