بنگلورو، 28 مئی (ہ س)۔

کانگریس کے سینئر لیڈر سدارمیا نے کرناٹک کے وزیر اعلی کے عہدے سے استعفی دے دیا ہے۔ انہوں نے جمعرات کو راج بھون میں گورنر کی غیر موجودگی میں گورنر کے سکریٹری کو اپنا استعفیٰ پیش کیا۔ قبل ازیں وزیر اعلیٰ سدارمیا نے اپنی رہائش گاہ پر کابینہ کے وزراء کے ساتھ میٹنگ کی۔ تاہم میٹنگ ایک گھنٹہ تاخیر سے شروع ہوئی کیونکہ سدار میا خود اپنی رہائش گاہ پر وزراء کے لیے رکھی گئی ایک مختصر میٹنگ ایک گھنٹہ تاخیر سے پہنچے۔ شیوکمار اور سدار میا نے ملاقات کے دوران ایک دوسرے کو گلے لگایا اور یکجہتی کا پیغام دیا۔ شیوکمار نے سدار میا کے پاو¿ں چھوئے اور ان سے آشیرواد طلب کیا۔ سدار میا نے اپنے تمام ساتھیوں کا شکریہ ادا کیا۔ اس کے بعد سدار میا راج بھون لوٹ گئے۔ گورنر کی غیر موجودگی میں سدار میا نے اپنا استعفیٰ ان کے سکریٹری کو سونپ دیا۔ اس کے فوراً بعد، کرناٹک کانگریس نے اپنے ایکس ہینڈل پر وزیر اعلیٰ سدار میا اور نائب وزیر اعلیٰ ڈی کے شیوکمار کی ایک تصویر شیئر کرتے ہوئے لکھا، اس دن، آج کے دن، ہمیشہ کے لیے... اتحاد ہماری طاقت ہے! عوامی خدمت ہماری ابدی وابستگی ہے!

بتایا گیا کہ سدار میا نے بریک فاسٹ میٹنگ میں اپنے استعفیٰ کا اعلان کیا اور اگلے وزیر اعلیٰ کے لیے ڈی کے شیوکمار کا نام تجویز کیا۔ تاہم قانون ساز پارٹی کی جانب سے وزیر اعلیٰ کے نام کی منظوری ابھی باقی ہے۔ خیال کیا جاتا ہے کہ قانون ساز پارٹی کی میٹنگ کل 29 مئی کو شام 5 بجے بنگلور کے ایک ہوٹل میں بلائی گئی ہے۔

ہندوستھان سماچار

ہندوستان سماچار / عطاءاللہ