نئی دہلی، 28 مئی (ہ س)۔

وزیر اعظم نریندر مودی نے آج عظیم انقلابی اور پرجوش قوم پرست مفکر ویر ساورکر (ونائک دامودر ساورکر) اور آندھرا پردیش کے سابق وزیر اعلیٰ اور معروف اداکار ننداموری تارکا راما راو¿ (این ٹی آر گارو) کو ان کے یوم پیدائش پر یاد کیا۔ وزیر اعظم نے کہا کہ ویر ساورکر کی ہمت اور حب الوطنی ہمیشہ لوگوں کو متاثر کرتی رہے گی۔ انہوں نے سو تنتر ویر ساورکر اور این ٹی آر گارو کو ان کے یوم پیدائش پر جذباتی خراج عقیدت پیش کیا۔

وزیر اعظم مودی نے لکھا، عظیم انقلابی اور پرجوش قوم پرست مفکر ویر ساورکر جی کو ان کے یوم پیدائش پر خراج عقیدت۔ وزیر اعظم نے پوسٹ کے ساتھ ایک شلوک بھی شیئر کیا: اننتودبھوتبھوتاو¿گھاسنکولے بھوتلے'کھیلے۔

یہ شلوک ایک شخص کے اندر بہادری، جانبازی اور علم کی اہمیت کو اجاگر کرتا ہے۔ اس کا مفہوم یہ ہے کہ اگر معاشرے کے چند (تین یا چار) لوگ بھی صحیفوں اور ہتھیاروں دونوں میں علم رکھنے والے اور بہادر ہوں تو وہ لامحدود رکاوٹوں سے بھری اس دنیا میں ایک مثبت اور طاقتور تبدیلی لا سکتے ہیں۔ انہوں نے لکھا، ویر ساورکر کو ان کے یوم پیدائش پر یاد کرنا ان کی ہمت اور حب الوطنی ہمیشہ لوگوں کو متاثر کرتی رہے گی۔ ان کی دانشمندی اور سماجی اصلاح پر ان کا زور بھی خاص طور پر قابل ذکر ہے۔

انہوں نے ویر ساورکر کے ساتھ این ٹی آر گارو کو بھی یاد کیا۔ وزیر اعظم نے لکھا، عظیم این ٹی آر گارو کو ان کے یوم پیدائش پر عاجزانہ خراج عقیدت۔ انہیں عوامی بہبود اور اچھی حکمرانی کے لئے ان کی لگن کے لئے یاد کیا جاتا ہے۔ انہوں نے غریبوں اور پسماندہ لوگوں کے لئے ایک باوقار زندگی کو یقینی بنایا۔ سنیما میں ان کی شراکتیں نسلوں کو مسحور کرتی رہی ہیں ان کی زندگی اور ان کے اصول آج بھی باعث ترغیب ہیں۔آندھرا پردیش میں این ڈی اے حکومت ،میرے دوست چندر بابو نائڈو گارو کی قیادت میں لوگوں کے لئے ان کے ذریعہ سنجوئے گئے خواب اورامیدوں کو مکمل کرنے کے لئے پطوری طرح پابند عہد ہیں۔

ہندوستھان سماچار

ہندوستان سماچار / عطاءاللہ