نئی دہلی، 28 مئی (ہ س)۔ صدرجمہوریہ دروپدی مرمو، نائب صدر جمہوریہ سی پی رادھا کرشنن اور لوک سبھا اسپیکر اوم برلا کے ساتھ کئی وزراء اور دیگر نے آج عیدالاضحیٰ کے موقع پرمبارکباد دی۔

صدر جمہوریہ نے ٹویٹر پر لکھا، عید الاضحی کے موقع پر، میں اپنے تمام ہم وطنوں، خاص طور پر اپنے مسلمان بھائیوں اور بہنوں کو دلی مبارکباد پیش کرتی ہوں۔ یہ تہوار ایثار، قربانی اور عقیدت کی علامت ہے، یہ ہمیں انسانیت، خاص طور پر کمزور لوگوں کی خدمت کرنے کی ترغیب دیتا ہے۔ آئیے اس موقع پر معاشرے میں زیادہ سے زیادہ پیار، محبت اور ہم آہنگی کو پھیلانے کے لیے آگے بڑھیں۔

نائب صدر جمہوریہ نے کہا کہ یہ مبارک موقع سب کے لیے امن، خوشی اور خیر سگالی لے کر آئے۔ برلا نے کہا کہ یہ خوشی کا موقع سب کے لیے امن، خوشی، اچھی صحت اور خوشحالی لائے۔ اس سے معاشرے میں بھائی چارے، ہم آہنگی اور اتحاد کے جذبے کو مزید تقویت ملے۔

سڑک ٹرانسپورٹ اور شاہراہوں کے مرکزی وزیر نتن گڈکری نے کہا کہ یہ مقدس موقع اتحاد، ہمدردی اور خوشی کی ترغیب دے اور ہر دل کو اچھی صحت، خوشحالی اور مسلسل کامیابی عطا کرے۔ وزیر خارجہ ڈاکٹر ایس جے شنکر نے کہا کہ یہ تہوار ہر ایک کی زندگی میں ہمدردی، ہم آہنگی اور امن لائے۔

کانگریس کے قومی صدر ملکارجن کھڑگے نے کہا کہ عید الاضحی کا تہوار قربانی، عقیدت، ہمدردی اورعفو درگذر جیسی لازوال خوبیوں کی عکاسی کرتا ہے۔ دعا ہے کہ یہ مقدس موقع ہمیں بھائی چارے کے جذبے کو گہرا کرنے اور اتحاد کے دھاگوں کو مضبوط کرنے کے لیے مل کر کام کرنے کی ترغیب دے۔

پارلیمانی امور اور اقلیتی امور کے وزیر کرن رجیجو نے کہا، اس مبارک موقع پر، آپ کا دل شکر گزاری سے بھر جائے اور آپ کا گھر محبت، ہنسی، امن اور خوشی سے بھر جائے۔ بہت چھوٹی، چھوٹی اور درمانہ درجے کی صنعتوں کے وزیر جیتن رام مانجھی نے کہا کہ ملک میں امن، محبت اور بھائی چارہ ہمیشہ قائم رہے۔

ہندوستھان سماچار

---------------

ہندوستان سماچار / عبدالسلام صدیقی