علی گڑھ, 27 مئی (ہ س)اتر پردیش سنی سنٹرل وقف بورڈ نے ضلع علی گڑھ سے متعلق وقف نمبر 63 کے معاملے کا نوٹس لیتے ہوئے ضلع مجسٹریٹ علی گڑھ کو ضروری کارروائی کے احکامات جاری کیے ہیں۔ اس سلسلے میں وقف بورڈ کے چیف ایگزیکٹو آفیسر کی جانب سے باضابطہ مکتوب جاری کیا گیا ہے۔
موصولہ اطلاعات کے مطابق معین الدین ولد انیس احمد کی جانب سے وقف نمبر 63 سے متعلق ایک شکایتی درخواست وقف بورڈ کو ارسال کی گئی تھی، جس کے بعد بورڈ نے معاملے کا نوٹس لیتے ہوئے ضلع مجسٹریٹ علی گڑھ کو خط روانہ کیا ہے۔
خط میں کہا گیا ہے کہ 13 مئی 2026 کی شکایتی درخواست کا جائزہ لیتے ہوئے معاملے میں قواعد و ضوابط کے مطابق ضروری کارروائی کی جائے۔ ساتھ ہی شکایت کی نقل بھی منسلک کی گئی ہے۔
وقف بورڈ کے چیف ایگزیکٹو آفیسر معصوم علی سرور (آئی اے ایس) کی جانب سے جاری اس مکتوب کی ایک نقل شکایت کنندہ معین الدین ولد انیس احمد، رہائشی اے ڈی اے کالونی، علی گڑھ کو بھی اطلاعاً ارسال کی گئی ہے۔
اب اس معاملے میں ضلع انتظامیہ کی جانب سے کی جانے والی جانچ اور آئندہ کارروائی پر نظریں مرکوز ہیں۔
---------------
ہندوستان سماچار / سید کامران علی گڑھ
