بلرام پور، 27 مئی (ہ س)۔ ایک اطلاع پر کارروائی کرتے ہوئے بلرام پور کے کوتوالی نگر پولیس نے دو نوجوانوں کو 14 جعلی 100۔100 روپے کے نوٹوں کے ساتھ گرفتار کیا۔ پولیس نے مقدمہ درج کر کے مزید کارروائی کے لیے عدالت بھیجاہے۔ گرفتار نوجوانوں سے ایک موٹرسائیکل بھی برآمد ہوئی جو درست کاغذات نہ ہونے کی وجہ سے قبضے میں لی گئی۔
پولیس سپرنٹنڈنٹ کے دفتر سے جاری کردہ معلومات کے مطابق، بدھ کو کوتوالی نگر پولیس کو ملی اطلاع کے بعد، نیو گرین سٹی کالونی کے قریب دو نوجوانوں سے100۔ 100 روپے کے 14 نوٹ برآمد ہوئے۔ گرفتار نوجوانوں نے اپنے نام اور پتے منیش موریہ ولد اندراج موریہ ساکن ساہ پور مولانی، تھانہ کندھرا پور، ضلع اعظم گڑھ اور موجودہ پتہ کاشیرام کالونی پولیس آفس کے قریب، تھانہ کوتوالی دیہات، ضلع بلرام پور اور اومیش کمار ولد کشوری، ساکنہ کاشیرام کالونی، تھانہ بلرام پور، بلرام پور کے طور پر بتایا۔ ان کے پاس سے برآمد کی گئی موٹر سائیکل کو درست کاغذات نہ ہونے کی وجہ سے ایم وی ایکٹ کے تحت ضبط کر لیا گیا ہے۔
گرفتار نوجوانوں نے دوران تفتیش پولیس کو بتایا کہ انہوں نے کئی مقامات پر جعلی کرنسی چلائی اور جہاں پکڑے جانے کا خدشہ تھا وہاں بچنے کے لیے اصلی کرنسی کا استعمال کیا۔ تاہم آج پولیس نے انہیں اصلی اور نقلی دونوں کرنسیوں کے ساتھ پکڑ لیا۔ پولیس نے دونوں افراد کو عدالت میں بھیجا اور پورے معاملے کی تفصیل سے تفتیش کر رہی ہے۔
---------------
ہندوستان سماچار / عبدالسلام صدیقی
