اجین، 27 مئی (ہ س)۔

مدھیہ پردیش لیگ (ایم پی ایل) ٹی-20 سندھیا کپ 2026 سے پہلے اجین فالکنز کو بڑی مضبوطی ملی ہے۔ آل راونڈر مادھو تیواری انڈین پریمیئر لیگ (آئی پی ایل) 2026 میں دہلی کیپیٹلز کی مہم ختم ہونے کے بعد اجین فالکنز کیمپ سے منسلک ہوگئے ہیں۔ اجین فالکنز اپنی ایم پی ایل ٹی-20 مہم کا آغاز 3 جون کو اندور کے باوقار ہولکر اسٹیڈیم میں گوالیار چیتاز کے خلاف کرے گی۔

آئی پی ایل میں شاندار کارکردگی کا مظاہرہ کرنے والے آل راونڈر مادھو نے آئی پی ایل 2026 میں دہلی کیپیٹلز کے لیے تین مقابلے کھیلے اور متاثر کن کارکردگی کا مظاہرہ کرتے ہوئے چار وکٹ حاصل کیے۔

ٹیم نے مدھیہ پردیش کے سابق کرکٹر سنیل دھولپورے کی نگرانی میں ٹورنامنٹ کی تیاریاں پہلے ہی شروع کر دی ہیں، جہاں کھلاڑی اور سپورٹ اسٹاف مسلسل تربیتی سیشنز میں حصہ لے رہے ہیں۔

اتوار کے روز منعقدہ ایک شاندار تقریب میں اجین فالکنز کی نئی جرسی کی بھی باقاعدہ نقاب کشائی کی گئی تھی، جو اجین کی ثقافت، شناخت اور جوش کو ظاہر کرتی ہے۔

مادھو تیواری کے ٹیم سے جڑنے پر اجین فالکنز کے پروموٹر ونائک کالانی نے کہا کہ دہلی کیپیٹلز کے ساتھ شاندار آئی پی ایل سیزن گزارنے والے مادھو تیواری کا ہم اجین فالکنز خاندان میں استقبال کرتے ہیں۔ وہ بیحد باصلاحیت کرکٹر ہیں اور ان کی کارکردگی نے دکھایا ہے کہ وہ بڑے اسٹیج پر چمکنے کی صلاحیت رکھتے ہیں۔ ان کی موجودگی ہماری ٹیم کو مزید مضبوط بنائے گی اور نوجوان کھلاڑیوں کو ترغیب دے گی۔ کیمپ کے اندر شاندار توانائی ہے اور ہمارا صرف ایک ہی ہدف ہے، پوری مضبوطی سے مقابلہ کرنا اور اجین کا نام روشن کرنا۔

ٹیم: مادھو تیواری، آرین پانڈے، چنچل راٹھور، ادھیر پرتاپ سنگھ، یش دوبے، سوہم پٹوردھن، شبھم کشواہا، معصوم رضا کیف، اوجسوا یادو، گجیندر گوسوامی، آیوش منکار، انکور سنگھ چوہان، رشی مگلانی، ہرش وردھن ہارڈیا، نوین ناگلے، وشیش مدگل، درشن راٹھور۔

ہندوستھان سماچار

---------------

ہندوستان سماچار / انظر حسن