لکھنؤ،27مئی (ہ س)۔

عیدالاضحی کے موقع پر اتر پردیش کے دارالحکومت لکھنو میں سیکورٹی اور ٹریفک کے وسیع انتظامات کیے گئے ہیں۔جوائنٹ پولیس کمشنر (لا اینڈ آرڈر) ببلو کمار نے بدھ کے روز بتایا کہ اس سال چاند نظر آنے پر 28 مئی کو عید الاضحیٰ منائی جائے گی۔ اس موقع پر، زون ویسٹ میں سنی عموماً ٹیلے والی مسجد میں صبح 9 بجے اور عیش باغ کی عیدگاہ میں صبح 10 بجے نماز ادا کرتے ہیں، اسی دوران، شیعہ اراکین بڑا امام باڑہ میں واقع آصفی مسجد میں صبح 11 بجے نماز ادا کریں گے۔

اس کے پیش نظر بازارخیلہ عیش باغ تھانے کی حدود میں عیدگاہ کے لیے پولیس کے پورے نظام کو زون اور پانچ سیکٹرز میں تقسیم کیا گیا ہے۔ تہوار کے پرامن جشن کو یقینی بنانے کے لیے مغربی لکھنؤ میں پولیس کے وسیع انتظامات کیے گئے ہیں۔

جے سی پی نے بتایا کہ اس مدت کے دوران چھ ایڈیشنل ڈپٹی کمشنر آف پولیس (اے ڈی سی پی)، 14 اسسٹنٹ کمشنر آف پولیس (اے سی پی)، 42 انسپکٹرز، 449 سب انسپکٹرز، 635 ہیڈ کانسٹیبل اور کانسٹیبل تعینات کیے گئے ہیں۔ پرہجوم مقامات پر چھیڑ چھاڑ کے واقعات کو روکنے کے لیے سادہ لباس میں خواتین پولیس اہلکار اور اینٹی رومیو اسکواڈ تعینات کیا جائے گا جو علاقے میں مسلسل گشت کریں گے اور چوکس نظر رکھیں گے۔

لکھنو¿ کے ٹریفک نظام کو برقرار رکھنے کے لیے ایک ایڈیشنل ڈپٹی کمشنر آف پولیس (اے ڈی سی پی)، تین اسسٹنٹ کمشنر آف پولیس (اے سی پی)، 08 انسپکٹر، 33 سب انسپکٹر، 54 ہوم گارڈ، 102 ہیڈ کانسٹیبل/ کانسٹیبل تعینات کیے گئے ہیں۔ اس کے علاوہ پی اے سی کی 06 کمپنیاں، وائرلیس یونٹ، انٹیلی جنس (ایل آئی یو) ٹیمیں تعینات کی گئی ہیں۔

جے سی پی نے کہا کہ نماز کے دوران اہم سڑکوں اور عوام کے اکثر آنے جانے والے اہم مقامات (ٹیلے والی مسجد، چوک بڑا امام باڑہ، آصفی مسجد چوک، عیش باغ عیدگاہ) اور چوراہوں کی سی سی ٹی وی کیمروں سے نگرانی کی جا رہی ہے۔ غلط معلومات کو روکنے کے لیے سوشل میڈیا کے ذریعے 24 گھنٹے چوکسی رکھی جا رہی ہے۔ مزید برآں، پنڈال کی طرف جانے والے راستوں پر ایک خصوصی ٹریفک پلان نافذ کیا گیا ہے۔

لکھنو¿ پولیس نے شہر کے باشندوں سے اپیل کی ہے کہ وہ سیکورٹی انتظامات میں تعاون کریں اور پولیس کی طرف سے وقتاً فوقتاً جاری کردہ ٹریفک ڈائیورزن پر عمل کریں۔

ہندوستھان سماچار

ہندوستان سماچار / عطاءاللہ