نئی دہلی،27مئی (ہ س)۔ مغربی دہلی کے خیال علاقے میں وشنو گارڈن میں منگل کی رات دیر گئے ایک گھر میں آگ لگنے سے ایک 13 لڑکے کی موت ہو گئی۔ ایک 65 خاتون شدیدطور پر جھلس گئی۔ ابتدائی معلومات کے مطابق گھر کی نچلی منزل پر کھڑی الیکٹرک سکوٹی اور گھریلو سامان میں آگ لگی۔دہلی محکمہ فائر بریگیڈکے مطابق فائر کنٹرول روم کو تقریبا 2.43 بجے وشنو گارڈن کے گلی نمبر 9 میں ایک گھر میں آگ لگنے کی کال موصول ہوئی۔ خبر ملتے ہی فائر بریگیڈ کی تین گاڑیاں موقع پر پہنچ گئیں۔ چند منٹ بعد آگ کی شدت کو مدنظر رکھتے ہوئے فائر بریگیڈ کے اضافی دستے بھی جائے وقوعہ پر پہنچ گئے۔ فائر حکام کے مطابق 3 بج کر 10 منٹ کے قریب آگ پر قابو پا لیا گیا۔ جبکہ آپریشن شام 4 بج کر 10 منٹ پر مکمل طور پر ختم ہو گیا۔ محکمہ فائربریگیڈکی ابتدائی تحقیقات سے پتہ چلا کہ آگ گراو¿نڈ فلور پر کھڑی الیکٹرک سکوٹی اور گھر میں رکھے گھریلو سامان میں لگی۔ حادثے میں دو افراد زخمی ہو گئے، جنہیں مقامی لوگوں اور پی سی آر ٹیم کے محکمہ فائربریگیڈ پہنچنے سے پہلے ہی گرو گووند ہسپتال، رگھوبیر نگر لے جایا گیا۔ ہسپتال میں ڈاکٹر نے 13 جسپریت کو مردہ قرار دے دیا۔ 65 سوامی جیت کور تقریبا 35 فیصد جل گئیں۔ اس کا علاج جاری ہے۔ آگ لگنے کی وجہ فی الحال زیر تفتیش ہے۔ ابتدائی طور پر بجلی سے چلنے والی سکوٹی سے آگ لگنے کا شبہ ہے۔ پولیس اور متعلقہ ایجنسیاں معاملے کی تحقیقات کر رہی ہیں۔

ہندوستھان سماچار

ہندوستان سماچار / Mohammad Khan