نئی دہلی،27مئی (ہ س)۔ سنٹرل کنزیومر پروٹیکشن اتھارٹی (سی سی پی اے) نے خطرناک اور دھماکہ خیز مواد کی آن لائن فروخت اور فہرست سازی کے خلاف کارروائی کا آغاز کیا۔ سی سی پی اے نے انڈیا مارٹ، جسٹ ڈائل، سگما-ایلڈرچ انڈیا، ڈائل 4 ٹریڈ، اور ایکسپورٹرز انڈیا سمیت کئی آن لائن پلیٹ فارمز کے خلاف کارروائی شروع کی ہے۔ بدھ کو جاری کردہ ایک بیان میں، صارفین کے امور، خوراک اور عوامی تقسیم کی وزارت نے بتایا کہ مرکزی سی سی پی اے نے صارفین کے تحفظ کے قانون، 2019 کی دفعات کے تحت ڈیجیٹل پلیٹ فارم پر خطرناک کیمیکلز، دھماکہ خیز مواد اور متعلقہ پیشروو¿ں کی غیر مجاز آن لائن فروخت اور اشتہارات کے خلاف ریگولیٹری کارروائی شروع کی ہے۔ سی سی پی اے کی اس کارروائی کا مقصد صارفین کے تحفظ، عوامی تحفظ اور ذمہ دار ای کامرس طریقوں کو مضبوط کرنا ہے۔

وزارت کے مطابق، سی سی پی اے نے یہ کارروائی انڈیا مارٹ، جسٹ ڈائل، سگما-ایلڈرچ انڈیا، ڈائل 4 ٹریڈ، اور ایکسپورٹرز انڈیا سمیت مختلف پلیٹ فارموں پر خطرناک اور منضبط مادوں کی آن لائن لسٹنگ اور فروخت سے متعلق معلومات کے بعد شروع کی ہے۔اتھارٹی نے کہا کہ بڑے ای کامرس پلیٹ فارمز کو امونیم نائٹریٹ، پی ای ٹی این، بارود، اور پکنک ایسڈ سمیت ریگولیٹڈ مادوں کی فہرست سازی اور فروخت کے حوالے سے نوٹس جاری کیے گئے ہیں۔ نیز، دکانداروں کی معلومات پیٹرولیم اینڈ ایکسپلوسیو سیفٹی آرگنائزیشن (پی ای ایس او) کے ساتھ شیئر کی گئیں۔ سی سی پی اے کی مداخلت کے بعد پلیٹ فارمز نے فہرستوں کو حذف کرنا اور ان پر پابندی لگانا شروع کر دی ہے۔

قابل ذکر بات یہ ہے کہ سی سی پی اے نے اس سے قبل ایمیزون، فلپ کارٹ، میشو، اور جیو مارٹ جیسے بڑے ای کامرس پلیٹ فارمز کو ’سائکلوسینون ہربیسائڈ‘ (ایک قسم کا گھاس پھوس مارنے والا) جیسے غیر رجسٹرڈ اور خطرناک زرعی کیمیکلز فروخت کرنے کے لیے نوٹس جاری کیے تھے۔ اتھارٹی نے ان پلیٹ فارمز کو خبردار کیا تھا کہ وہ صارفین کی حفاظت اور قانونی تعمیل کی قیمت پر ’ڈیجیٹل سہولت‘ فراہم نہیں کر سکتے۔ہندوستھان سماچار

ہندوستان سماچار / Mohammad Khan