رائے بریلی، 27 مئی (ہ س)۔ اترپردیش کے رائے بریلی میں گنگا ایکسپریس وے پر ہوئے ایک خوفناک سڑک حادثے میں تین لوگوں کی موت ہو گئی، جبکہ پانچ لوگ سنگین طور پر زخمی ہو گئے۔ تمام زخمیوں کا رائے بریلی ایمس میں علاج چل رہا ہے۔ لاشوں کو پوسٹ مارٹم کے لیے بھیج دیا گیا ہے۔
رائے بریلی کے سلون کوتوالی علاقے کے رسول پور گاوں کے پاس گنگا ایکسپریس وے پر منگل کی دیر رات نوئیڈا سے جونپور جا رہی اسکارپیو ٹریکٹر سے ٹکر ا گئی۔ حادثے کے بعد لوگوں نے پولیس کو اطلاع دی۔ موقع پر پہنچی پولیس نے سخت مشقت کے بعد زخمیوں کو باہر نکالا اور پرتاپ گڑھ کے سنگرام گڑھ کمیونٹی ہیلتھ سینٹر بھیجا، جن میں سمردھی (11)، سروج (35) اور سنگیتا (22) کی موت ہو چکی تھی۔ جبکہ سمرتھ (4)، نیرج سنگھ (45)، پرتیما سنگھ (35)، گرچرن سنگھ (48) اور سوتا سنگھ (40) سنگین طور پر زخمی تھے۔ ابتدائی علاج کے بعد ڈاکٹروں نے زخمیوں کو ایمس رائے بریلی ریفر کر دیا۔ پولیس نے لاشوں کو پوسٹ مارٹم کے لیے بھیج دیا ہے۔
سلون کے کوتوال بالیندو گوتم نے بتایا کہ سبھی لوگ نوئیڈا سے جونپور کے سوجان گنج تھانہ علاقے میں واقع سیلم پور گاوں میں خاندانی راج مائن پروگرام میں شامل ہونے جا رہے تھے۔ حادثے میں تین لوگوں کی موت ہو گئی ہے۔ زخمیوں کو ایمس میں داخل کرایا گیا ہے۔
ہندوستھان سماچار
---------------
ہندوستان سماچار / انظر حسن
