شولاپور، 26 مئی (ہ س) پورے مہاراشٹر میں بڑھتے ہوئے بجلی بحران کے سبب لوڈشیڈنگ کا سلسلہ شروع کر دیا گیا ہے۔ ریاست میں بجلی کی طلب میں مسلسل اضافہ اور سپلائی میں کمی کے پیش نظر مہاوتن کمپنی کی جانب سے یہ اقدام کیے جانے کی اطلاعات سامنے آئی ہیں۔شولاپور میں کل سے روٹیشن نظام کے تحت بجلی کٹوتی نافذ کی جائے گی۔ پہلے سلاٹ میں صبح 7 بجے سے دوپہر 1 بجے تک جبکہ دوسرے سلاٹ میں دوپہر 1 بجے سے شام 7 بجے تک بجلی سپلائی بند رکھی جائے گی۔ اس روٹیشن نظام کے تحت ایک دن صبح والا سلاٹ اور اگلے دن دوپہر والا سلاٹ نافذ کیا جائے گا۔

ابتدائی معلومات کے مطابق یہ بجلی کٹوتی فی الحال بنیادی طور پر زرعی پمپوں اور تھری فیز بجلی سپلائی پر لاگو کی گئی ہے، جس کے باعث کسانوں کو آبپاشی کے مسائل کا سامنا کرنا پڑ سکتا ہے۔ ادھر شدید گرمی کے باعث ریاست میں بجلی کی طلب میں غیرمعمولی اضافہ ہوا ہے، جس کا براہ راست اثر بجلی نظام پر پڑ رہا ہے۔ انتظامیہ کی جانب سے شہریوں سے اپیل کی گئی ہے کہ وہ بجلی کا استعمال احتیاط اور بچت کے ساتھ کریں۔

ہندوستھان سماچار

--------------------

ہندوستان سماچار / جاوید این اے