علی گڑھ، 26 مئی (ہ س)۔

اتر پردیش مدرسہ تعلیم کونسل لکھنؤ کی جانب سے جاری امتحانی نتائج میں مدرسہ ایس کے انٹر کالج، بھجپورہ روڈ علی گڑھ کے طلبہ نے شاندار کامیابی حاصل کرتے ہوئے ضلع علی گڑھ کے ہائی اسکول کے ٹاپ 10 طلبہ میں جگہ بنائی ہے۔

مدرسہ کی طالبہ ساینا اور طالب علم محمد فہد خان نے نمایاں کامیابی حاصل کی۔ اس موقع پر منعقدہ تقریب کی صدارت بابا فرید آزاد، صوبائی جنرل سیکرٹری، ماڈرن اردو شکشا سمیتی رجسٹرڈ اتر پردیش نے کی جبکہ مدرسہ کی ڈائریکٹر مریم فاطمہ بطور مہمانِ خصوصی موجود رہیں۔

بابا فرید آزاد نے کامیاب طلبہ کو مبارکباد دیتے ہوئے کہا کہ مدرسوں کے طلبہ بھی تعلیم کے میدان میں نمایاں کارکردگی دکھا رہے ہیں اور آگے کی تعلیم میں بہتر مستقبل بنا رہے ہیں۔

وہیں مریم فاطمہ نے طلبہ کو میڈل، سرٹیفکیٹ اور یادگاری نشان پیش کرتے ہوئے کہا کہ مدرسہ کے طلبہ کی یہ کامیابی ادارہ کے لیے باعثِ فخر ہے اور امید ہے کہ وہ آئندہ بھی اسی طرح کامیابیاں حاصل کریں گے۔ تقریب میں بڑی تعداد میں طلبہ موجود رہے۔

ہندوستھان سماچار

ہندوستان سماچار / سید کامران علی گڑھ