ممبئی ، 26 مئی (ہ س)۔ ناسک عصمت دری معاملے کے ملزم اشوک کھرات کو ممبئی کی خصوصی عدالت نے منی لانڈرنگ کیس میں 14 دن کی عدالتی تحویل میں بھیجنے کا حکم دیا ہے۔ اس معاملے کی جانچ انفورسمنٹ ڈائریکٹوریٹ (ای ڈی) کی ٹیم کر رہی ہے۔ ای ڈی ذرائع کے مطابق اشوک خرات کو گزشتہ ہفتے 47 کروڑ روپے سے زائد کے مبینہ منی لانڈرنگ معاملے میں گرفتار کیا گیا تھا۔ گرفتاری کے بعد عدالت نے اسے ای ڈی کی تحویل میں بھیج دیا تھا۔ منگل کو ای ڈی کی تحویل ختم ہونے پر اسے دوبارہ ممبئی کی خصوصی عدالت میں پیش کیا گیا۔سماعت کے دوران ای ڈی کے وکیل نے عدالت کو بتایا کہ فی الحال اشوک کھرات کی مزید تحویل کی ضرورت نہیں ہے، تاہم اگر مستقبل میں ضرورت محسوس ہوئی تو دوبارہ تحویل کی درخواست کی جا سکتی ہے۔ اس کے بعد عدالت نے ملزم کو 14 دن کی عدالتی تحویل میں بھیجنے کا حکم جاری کیا۔قابل ذکر ہے کہ اشوک کھرات کے خلاف خواتین کے ساتھ جنسی استحصال اور دھوکہ دہی سے متعلق مجموعی طور پر 12 مقدمات درج ہیں۔ دھوکہ دہی اور مالی بے ضابطگی کے معاملے میں ای ڈی نے اس کے خلاف مقدمہ درج کرکے کارروائی کی تھی، جبکہ جنسی استحصال سے متعلق مقدمات کی جانچ ناسک کے سرکار واڑہ پولیس اسٹیشن اور خصوصی تحقیقاتی ٹیم کے ذریعے کی جا رہی ہے۔ہندوستھان سماچار

ہندوستان سماچار / جاوید این اے