نئی دہلی، 25 مئی (ہ س)۔

مغربی ایشیا میں امن کی امیدوں نے پیر کو دنیا بھر کی بیشتر اسٹاک مارکیٹوں میں جوش و خروش کا ماحول پیدا کر دیا۔ نتیجتاً مقامی اسٹاک مارکیٹ بھی زبردست تیزی کے ساتھ بند ہونے میں کامیاب رہی۔ آج کا کاروبار فائدہ کے ساتھ شروع ہوا۔ تاہم، منافع بکنگ کی وجہ سے ابتدائی کاروبار میں سینسیکس اور نفٹی دونوں انڈیکس میں اتار چڑھاو¿ آیا۔ اس کے باوجود مارکیٹ میں خرید کا دباو¿ اتنا مضبوط تھا کہ دونوں انڈیکس نے اپنا فائدہ برقرار رکھا۔ ٹریڈنگ کے آخری گھنٹے میں زبردست خرید کی وجہ سے، سینسیکس 1.42 فیصد اور نفٹی 1.32 فیصد کے اضافے کے ساتھ بند ہوا۔

دن کے کاروبار کے دوران، زیادہ تر سیکٹرل انڈیکس سبز رنگ میں مضبوطی سے بند ہوئے۔ بینکنگ، آئل اینڈ گیس، پبلک سیکٹر انٹرپرائزز اور آٹوموبائل سیکٹرز کے اسٹاکس میں زبردست خریدار دیکھنے میں آئی۔ اسی طرح ٹیک، میٹل، ہیلتھ کیئر، کنزیومر ڈیوربل، کیپیٹل گڈز اور آئی ٹی انڈیکس بھی تیزی کے ساتھ بند ہونے میں کامیاب رہے۔ دوسری جانب ایف ایم سی جی اسٹاکس میں آج فروخت کا دباو¿ رہا۔ وسیع تر مارکیٹ میں بھی خریداری جاری رہی، جس کی وجہ سے نفٹی مڈ کیپ انڈیکس 0.94 فیصد کے اضافے کے ساتھ بند ہوا۔ اسی طرح،ا سمال کیپ انڈیکس نے 1.37 فیصد اضافے کے ساتھ کاروبارختم کی۔

آج اسٹاک مارکیٹ کی مضبوط کارکردگی کی وجہ سے، اسٹاک مارکیٹ کے سرمایہ کاروں کی دولت میں 6.5 لاکھ کروڑ سے زیادہ کا اضافہ ہوا ہے۔ آج کی ٹریڈنگ کے بعد بی ایس ای پر درج کمپنیوں کی مارکیٹ کیپٹلائزیشن بڑھ کر 468.78 لاکھ کروڑ (عارضی) ہو گئی۔ جمعہ کو، گزشتہ ہفتے کے آخری تجارتی دن، ان کا بازار سرمایہ 462.25 لاکھ کروڑ تھا۔ نتیجتاً، سرمایہ کاروں نے آج کی تجارت سے تقریباً 6.53 لاکھ کروڑ کمائے۔

دن کے کاروبار کے دوران،بی ایس ای پر 4,531 اسٹاکس کا کاروبار فعال طور پر ہوا۔ جن میں سے 2,785 حصص کے بھاو¿ اضافہ کے ساتھ بند ہوئے جبکہ 1,535 حصص کی قیمتوں میں کمی اور 211 کے بھاو¿ میں کوئی تبدیلی نہیں ہوئی۔ این ایس ای پر آج 2,996 حصص کے ساتھ فعال کاروبار ہوئی۔ ان میں سے 2,054 اضافے کے ساتھ سبز رنگ میں بند ہوئے جبکہ 942 نقصانات کے ساتھ سرخ رنگ میں بند ہوئے۔ اسی طرح سینسیکس میں شامل 30 حصص میں سے 26 اضافے کے ساتھ اور 4 نقصان کے ساتھ بند ہوئے۔ نفٹی میں شامل 50 حصص میں سے 40 سبز اور 10 سرخ رنگ میں بند ہوئے۔

بی ایس ای سینسیکس آج 720.47 پوائنٹس کے اضافے کے ساتھ 76,135.82 پر کھلا۔ ٹریڈنگ کے پہلے 10 منٹ کے بعد، مارکیٹ میں منافع لینے کا آغاز ہوا، جس کی وجہ سے انڈیکس 76,097.02 تک گر گیا۔ اس کے بعد، خریداروں نے اپنی خریداری میں تیزی لائی، جس کے نتیجے میں سینسیکس کی رفتار میں دوبارہ اضافہ ہوا۔

ہندوستھان سماچار

ہندوستان سماچار / عطاءاللہ