جَلگاؤں، 23 مئی (ہ س)۔ خاندیش کے ریلوے مسافروں کے لیے خوشخبری سامنے آئی ہے۔ گرمیوں کی تعطیلات کے دوران ٹرینوں میں بڑھتی ہوئی بھیڑ کو مدنظر رکھتے ہوئے مغربی ریلوے نے اُدھنا۔مدھوبنی اور اُدھنا۔جھنجھارپور کے درمیان خصوصی ٹرینیں چلانے کا اعلان کیا ہے۔ ان خصوصی ٹرینوں سے خاندیش خصوصاً جَلگاؤں، بھساول اور نندوربار کے ہزاروں مسافروں کے ساتھ گجرات کے مسافروں کو بھی بڑا فائدہ ہوگا۔مغربی ریلوے انتظامیہ کے مطابق ٹرین نمبر 09045 اُدھنا۔مدھوبنی خصوصی ٹرین 24 مئی اور 31 مئی کو چلائی جائے گی۔ یہ ٹرین اُدھنا اسٹیشن سے صبح 1.30 بجے روانہ ہوگی اور اگلے دن دوپہر 4.15 بجے مدھوبنی پہنچے گی۔ واپسی میں ٹرین نمبر 09046 مدھوبنی۔اُدھنا خصوصی ٹرین 25 مئی اور 1 جون کو مدھوبنی اسٹیشن سے شام 6.15 بجے روانہ ہوگی اور اگلے دن دوپہر 1.15 بجے اُدھنا پہنچے گی۔اسی طرح ٹرین نمبر 09047 اُدھنا۔جھنجھارپور خصوصی ٹرین 25 مئی اور 1 جون کو اُدھنا سے رات 10.30 بجے روانہ ہوگی اور اگلے دن دوپہر 1.45 بجے جھنجھارپور پہنچے گی۔ واپسی سفر کے لیے ٹرین نمبر 09048 جھنجھارپور۔اُدھنا خصوصی ٹرین 25 مئی 2026 اور 1 جون کو جھنجھارپور سے رات 10.30 بجے روانہ ہوگی اور اگلے دن دوپہر 1.45 بجے اُدھنا پہنچے گی۔ان خصوصی ٹرینوں کو راستے میں کئی اہم اسٹیشنوں پر ہالٹ دیا گیا ہے، جن میں چلتھان، بارڈولی، نندوربار، بھساول، کھنڈوا، اٹارسی، جبلپور، کٹنی، ستنا، مانک پور، پریاگ راج چھوکی، پنڈت دین دیال اپادھیائے جنکشن، بکسر، آرا، پاٹلی پتر، سونپور، حاجی پور، مظفرپور، سمستی پور، دربھنگہ اور ساکری شامل ہیں۔ہندوستھان سماچار

--------------------

ہندوستان سماچار / جاوید این اے