ممبئی ، 23 مئی (ہ س)۔ راجیہ سبھا رکن سنیترا اجیت پوار کے استعفیٰ کے بعد خالی ہونے والی نشست کے لیے مرکزی الیکشن کمیشن نے ضمنی انتخاب کے پروگرام کا اعلان کر دیا ہے۔ سنیترا پوار نے 6 مئی 2026 کو راجیہ سبھا رکنیت سے استعفیٰ دیا تھا۔ اس نشست کی مدت کار 7 جولائی 2028 تک باقی ہے۔

مرکزی الیکشن کمیشن کی جانب سے جاری کردہ پروگرام کے مطابق انتخابی عمل کا آغاز یکم جون 2026 سے ہوگا، جبکہ 18 جون 2026 کو ووٹنگ اور اسی دن ووٹوں کی گنتی بھی کی جائے گی۔ انتخابی شیڈول کے مطابق امیدوار 8 جون تک اپنے نامزدگی فارم داخل کر سکیں گے۔ 9 جون کو نامزدگی فارموں کی جانچ ہوگی، جبکہ 11 جون نامزدگی واپس لینے کی آخری تاریخ مقرر کی گئی ہے۔

18 جون کو صبح 9 بجے سے دوپہر 4 بجے تک ووٹنگ کا عمل جاری رہے گا۔ اس کے بعد شام 5 بجے ووٹوں کی گنتی کی جائے گی۔ مہاراشٹر کے چیف الیکشن آفیسر دفتر کے مطابق الیکشن کمیشن نے 20 جون 2026 تک پوری انتخابی کارروائی مکمل کرنے کی منصوبہ بندی کی ہے۔

ہندوستھان سماچار

--------------------

ہندوستان سماچار / جاوید این اے