ہزاری باغ، 23 مئی (ہ س)۔

عیدالاضحی کے موقع پر ضلع میں امن و امان اور باہمی ہم آہنگی کو برقرار رکھنے کے لیے ڈپٹی کمشنر ہیمنت ستی کی صدارت میں نگر بھون میں امن کمیٹی اور لاء اینڈ آرڈر کا جائزہ اجلاس منعقد ہوا۔

اجلاس سے خطاب کرتے ہوئے ڈپٹی کمشنر نے تمام شہریوں سے اپیل کی کہ وہ تہوار کو باہمی بھائی چارے اور ہم آہنگی کے ماحول میں منائیں۔ انہوں نے ضلع کے تمام حساس مقامات پر خصوصی چوکسی کی ہدایت کی۔ انہوں نے تمام متعلقہ حکام سے کہا کہ وہ اپنے اپنے علاقوں میں امن کمیٹی کے اجلاسوں کو یقینی بنائیں اور مقامی سطح پر ہم آہنگی سے کام کریں۔ دونوں سب ڈویژنل افسران کو سی آر پی سی کی دفعہ 126 کے تحت مشکوک اور شر پسندعناصرکے خلاف نوٹس جاری کرنے کی ہدایت دی گئی۔

انہوں نے اسپتالوں اور فائر فائٹنگ گاڑیوں کو ہدایت کی کہ وہ تہوار کے دوران کسی بھی ناخوشگوار واقعے سے نمٹنے کے لیے ہفتے کے ساتوں دن 24 گھنٹے فعال رہیں اور گرمی کے پیش نظر پینے کے پانی کے انتظامات کو بھی یقینی بنانے کی ہدایت کی۔ بقرعید میں کی جانے والی قربانیوں کے پیش نظرانہوں نے کہا کہ جانوروں کی باقیات کو منظم طریقے سے ٹھکانے لگانے کو یقینی بنایا جائے۔

ڈپٹی کمشنر نے عوام الناس سے اپیل کی کہ وہ انتظامیہ کو کسی بھی قسم کی اطلاع یا ہنگامی صورتحال سے فوری آگاہ کریں اور ڈسٹرکٹ کنٹرول روم کو فعال رکھنے کی ہدایت کی۔ پولیس کی مدد کے لیے ڈسٹرکٹ کنٹرول روم کے ٹیلی فون نمبر 06546-265233، 8002529349 اور 112 جاری کیے گئے۔

ہندوستھان سماچار

ہندوستان سماچار / عطاءاللہ