بھاگلپور، 22 مئی (ہ س)۔ 100 روزہ ٹی بی مٹاؤ مہم کے ایک حصے کے طور پر مالدہ ڈویژن نے مین ہیلتھ یونٹ (ایم ایچ یو)، صاحب گنج، اور صاحب گنج ریلوے اسٹیشن پر ٹی بی بیداری اور اسکریننگ پروگرام کا انعقاد کیا۔ مالدہ ڈویژن کے پی آر او نے جمعہ کے روزاس سلسلے میں اطلاع دی۔انہوں نے بتایا کہ یہ پروگرام ڈویژنل ریلوے منیجر، مالدہ، منیش کمار گپتا کی رہنمائی میں اور ڈاکٹر انوپا گھوش، چیف میڈیکل سپرنٹنڈنٹ، ڈویژنل ریلوے اسپتال، مالدہ کی نگرانی میں منعقد کیا گیا تھا۔ مین ہیلتھ یونٹ صاحب گنج میں منعقدہ بیداری پروگرام کا انعقاد ڈاکٹر جی پی سنگھ اور ڈاکٹر سچیت ڈی ایس، اے ڈی ایم او، ایم ایچ یو، صاحب گنج، ضلع ٹی بی یونٹ، صاحب گنج کے ساتھ مل کر کیا گیا۔ پروگرام کا مقصد ریلوے ملازمین اور ہیلتھ عملہ میں ٹی بی کی روک تھام، جلد تشخیص، علاج اور بروقت جانچ کی اہمیت کے بارے میں بیداری پیدا کرنا تھا۔ 30 سے زیادہ ریلوے ملازمین اور ہیلتھ عملہ نے پروگرام میں بڑھ چڑھ کر حصہ لیا اور انٹرایکٹو بیداری سیشن سے فائدہ اٹھایا۔ مہم کے ایک حصے کے طور پر ضلع ٹی بی یونٹ نے 25 سے زائد ملازمین کو ٹی بی کے لیے ایک پورٹیبل ایکسرے مشین کا استعمال کرتے ہوئے اسکرین کیا تاکہ ممکنہ معاملے کی جلد شناخت اور بروقت علاج کو یقینی بنایا جا سکے۔سیشن کے دوران شرکاء کو ٹی بی کی ابتدائی علامات ، بروقت ٹیسٹ اور علاج پر عمل کی اہمیت، سرکاری ہیلتھ اسکیموں کے تحت مفت علاج کی دستیابی اور ٹی بی کے مریضوں کے لیے دستیاب حکومتی مراعات اور امدادی نظام کے بارے میں بیدار کیا گیا۔اس کے علاوہ مہم کے ایک حصے کے طور پر صاحب گنج ریلوے اسٹیشن پر بھی اسی طرح کا ٹی بی بیداری پروگرام منعقد کیا گیا، جس کا انعقاد ڈاکٹر سچت ڈی ایس نے کیا، جس میں ریلوے کے 25 سے زائد ملازمین اور عوام نے شرکت کی اور بیداری کی سرگرمیوں سے استفادہ کیا۔ سیشن میں ٹی بی کی علامات، جانچ کے طریقوں، اسکریننگ کے طریقہ کار، ڈاٹس تھراپی کے مختلف مراعات کے بارے میں تفصیلی معلومات فراہم کی گئیں۔

ہندوستھان سماچار

ہندوستان سماچار / Mohammad Afzal Hassan