چنڈی گڑھ، 22 مئی (ہ س)۔ پنجاب میں گزشتہ کئی دنوں سے شدید گرمی پڑ رہی ہے۔ ریاست کے کئی اضلاع ہیٹ ویو کی زد میں ہیں۔ شدید گرمی اور ہیٹ ویو کے پیش نظر ریاستی حکومت نے تمام اسکولوں اور سرکاری دفاتر کے اوقات میں تبدیلی کردی ہے۔وزیر اعلی بھگونت مان نے جمعہ کو اپنے سوشل میڈیا پلیٹ فارم ’ایکس‘ پر اعلان کیا کہ پیر، 25 مئی سے، ریاست کے تمام اسکول اور سرکاری دفاتر صبح 7:30 بجے سے دوپہر 1:30 بجے تک کام کریں گے۔ اس وقت پنجاب میں اسکول صبح 8 بجے سے دوپہر 2 بجے تک اور سرکاری دفاتر صبح 9 بجے سے شام 5 بجے تک چلتے ہیں۔ حکومت نے اب گرمی کے جواب میں اوقات میں ترمیم کی ہے۔

ہندوستھان سماچار

ہندوستان سماچار / Mohammad Khan