خوراک و صارفین تحفظ محکمہ کے سکریٹری نے ویڈیو کانفرنسنگ کے ذریعہ ریاستی سطح کی جائزہ میٹنگ کیپٹنہ، 22 مئی(ہ س)۔خوراک و صارفین تحفظ محکمہ کے سکریٹری دیپک آنند نے افسران کو ہدایت دی ہے کہ اس بات کو یقینی بنائیں کہ مستحقین کو صحیح مقدار، بروقت اور معیاری اناج مہیا کرانا یقینی بنائیں۔حلقہ میں مہم چلا کر پی ڈی ایس دکانوں کاجائزہ لیں ،کسی بھی طرح کی بے ضابطگی ملنے پر ضابطہ کے مطابق کارروائی کو یقینی بنائیں۔انہوں نے جمعہ کو ویڈیو کانفرنسنگ کے ذریعے محکمہ کے افسران کے ساتھ جائزہ میٹنگ کی اور ضروری ہدایات دیں۔ انہوں نے غذائی اجناس کی نقل و حمل کرنے والے مختلف ٹرانسپورٹرز کے مسائل کا جائزہ لیتے ہوئے ہدایت کی کہ اگر اناج کی نقل و حمل میں کوئی بے ضابطگی پائی جاتی ہے تو ان کے خلاف جلد از جلد سخت کارروائی کی جائے۔میٹنگ کے دوران امدادی کیمپوں میں موصول ہونے والی درخواستوں پر کی جانے والی کارروائیوں کا جائزہ لیتے ہوئے سیکرٹری نے ہدایت دی کہ زیر التواء درخواستوں پر ترجیحی بنیادوں پر مقررہ مدت میں کارروائی کی جائے، تاکہ عام صارفین کو غیر ضروری تکلیف کا سامنا نہ کرنا پڑے۔مشکوک راشن کارڈوں سے متعلق ڈیٹا کا جائزہ لیتے ہوئے سیکریٹری نے تمام اضلاع کو ہدایت دی کہ وہ دستیاب ڈیٹا کی مکمل تصدیق کریں تاکہ اہل استفادہ کنندگان کے مفادات کے تحفظ کو یقینی بنایا جا سکے اور غیراہل استفادہ کنندگان کے خلاف ضابطہ کے مطابق کارروائی کی جائے۔محکمہ کے سکریٹری دیپک آنند نے کہا کہ عام شہریوں کی شکایات کو حساسیت اور فوری طور پر حل کرنا محکمہ کی اولین ترجیح ہے۔ انہوں نے زیر التواء شکایات کو جلد نمٹانے اور شکایات کے ازالے کے نظام کو مزید موثر بنانے کی ہدایت کی۔تمام اضلاع کے ضلع سپلائی افسران اور سب ڈویژنل افسران ویڈیو کانفرنسنگ کے ذریعے میٹنگ میں شامل ہوئے۔ اس موقع پر خوراک و صارفین تحفظ ڈائریکٹوریٹ کے ڈائرکٹر وبھوتی رنجن چودھری، خوراک و صارفین تحفظ محکمہ کے اسپیشل سکریٹری اوپیندر کمار، جوائنٹ سکریٹری رویندر کمار، او ایس ڈی ونود کمار تیواری اوراو ایس ڈی سرشٹی پریا موجورہیں۔

ہندوستھان سماچار

ہندوستان سماچار / Mohammad Afzal Hassan