جموں, 22 مئی (ہ س)۔ ضلع کٹھوعہ کے نگری علاقے میں ایکسپریس ہائی وے کے نزدیک ایک شخص کی پراسرار حالت میں لاش برآمد ہونے سے علاقے میں سنسنی پھیل گئی۔حکام کے مطابق جمعہ کی صبح مقامی لوگوں نے شیلر موڑ کے نزدیک فلائی اوور کے نیچے ایک شخص کو بے ہوش حالت میں پڑا دیکھا، جس کے بعد فوری طور پر نگری پولیس کو اطلاع دی گئی۔اطلاع ملتے ہی پولیس ٹیم موقع پر پہنچی اور مذکورہ شخص کو طبی و قانونی کارروائی کے لیے منتقل کیا گیا، جہاں اسے مردہ قراردیدیا گیا۔ متوفی کی شناخت فوری طور پر نہیں ہو سکی ہے۔پولیس نے واقعے کے سلسلے میں تفتیشی کارروائی شروع کر دی ہے اور معاملے کی مزید جانچ جاری ہے۔

ہندوستھان سماچار

---------------

ہندوستان سماچار / محمد اصغر