نئی دہلی، 22 مئی ( ہ س)۔ عوامی شعبے کے سنٹرل بینک آف انڈیا میں مرکزی حکومت کی 4فیصد حصہ داری کے لئے پیش کش برائے فروخت(او ایف ایس) جمعہ کو ادارہ جاتی سرمایہ کاروں کے لئے 31 روپے فی حصص کی قیمت پر کھولی گئی۔ خوردہ سرمایہ کار پیر کو حصص کی فروخت کے لیے بولی لگا سکیں گے۔

مرکزی بینک کی کم از کم قیمت 31 روپے فی حصص جمعرات کو بمبئی اسٹاک ایکسچینج (بی ایس ای ) پر 33.91روپے کی بند ہونے والی قیمت سے 8.58 فیصد کم ہے۔ بینک کے حصص آج بی ایس ای پر 32.06 روپے پر کاروبار کر رہے ہیں، جو پچھلے دن کی بند قیمت سے 5.46 فیصد کم ہے۔

سیکورٹیز اینڈ ایکسچینج بورڈ آف انڈیا (سیبی) کے مطابق، سینٹرل بینک آف انڈیا کی پیشکش برائے فروخت میں اضافی 4فیصد حصص فروخت کرنے کا گرین شو آپشن شامل ہے۔ پبلک سیکٹر بینک میں 8فیصد حصص کی فروخت سے مرکزی حکومت کو 2,456 کروڑ روپے ملیں گے۔

پیشکش برائے فروخت کو سیکورٹیز اینڈ ایکسچینج بورڈ آف انڈیا (سیبی ) کے کم از کم پبلک شیئر ہولڈنگ کے معیار کو پورا کرنے کی طرف بڑھنے میں مدد کرے گی، جس میں تمام درج کمپنیوں میں کم از کم پبلک شیئر ہولڈنگ 25فیصد لازمی ہے۔

حکومت کے پاس اس وقت سنٹرل بینک آف انڈیا میں 89.27 فیصد حصہ داری ہے۔ اگر حکومت گرین شو آپشن کا استعمال کرتی ہے تو بینک میں اس کا حصص کم ہو کر 81.27 فیصد رہ جائے گا۔ غور طلب ہے کہ حکومت نے مالی سال 2025-26 میں فروخت کے لیے آفرز کے ذریعے بینک آف مہاراشٹرا سے 2,624 کروڑ روپے اور انڈین اوورسیز بینک سے 1,419 کروڑ روپے جمع کیے ہیں۔

ہندوستھان سماچار

ہندوستان سماچار / محمد شہزاد