جموں, 21 مئی (ہ س)جموں و کشمیر کے ضلع پونچھ کے لائن آف کنٹرول (ایل او سی) سے متصل علاقے میں سیکورٹی فورسز نے ایک بیگ سے چینی ساخت کی پستول اور مشتبہ منشیات برآمد کی ہیں۔ حکام کے مطابق یہ برآمدگی بدھ کی شام مینڈھر سیکٹر کے بالاکوٹ فارورڈ علاقے میں تلاشی کارروائی کے دوران عمل میں آئی۔اطلاعات کے مطابق ایریا ڈومینیشن پٹرولنگ پارٹی نے سرچ آپریشن کے دوران ایک درخت کے قریب زمین میں دبا ہوا بیگ برآمد کیا۔ برآمدگی سے قبل علاقے کو مکمل طور پر سینیٹائز کیا گیا اور ممکنہ آئی ای ڈی یا دھماکہ خیز مواد کی جانچ بھی کی گئی۔حکام نے بتایا کہ برآمد شدہ سامان میں چینی ساخت کی ایک پستول اور کچھ پیکٹ شامل ہیں، جن میں مشتبہ طور پر منشیات موجود ہیں۔ ایک بیگ پر “لاہور” بھی تحریر تھا۔سیکورٹی ایجنسیوں نے معاملے کی تحقیقات شروع کر دی ہیں جبکہ مزید تفصیلات کا انتظار کیا جا رہا ہے۔

ہندوستھان سماچار

---------------

ہندوستان سماچار / محمد اصغر