جموں، 21 مئی (ہ س)۔ جموں۔ سرینگر قومی شاہراہ پر بانہال کے کھرپورہ چوک علاقے میں جمعرات کی صبح ایک دردناک سڑک حادثہ پیش آیا، جس میں ایک شخص جاں بحق جبکہ دوسرا زخمی ہو گیا۔

ذرائع کے مطابق ایک ٹاٹا موبائل گاڑی تیز رفتاری کے دوران سڑک کنارے کھڑے ایک ٹرک سے ٹکرا گئی۔ حادثہ اتنا شدید تھا کہ گاڑی کا ڈرائیور موقع پر ہی دم توڑ گیا جبکہ اس کے ساتھ سوار دوسرا شخص زخمی ہو گیا۔ متوفی کی شناخت بشیر احمد کمہار ساکن پلوامہ کے طور پر ہوئی ہے۔ زخمی شخص کو فوری طور پر قریبی اسپتال منتقل کیا گیا جہاں اس کا علاج جاری ہے۔

حادثے کے بعد پولیس موقع پر پہنچی اور ضروری کارروائی انجام دے کر معاملے کی تحقیقات شروع کر دی ہیں۔

ہندوستھان سماچار

---------------

ہندوستان سماچار / محمد اصغر