سرینگر، 21 مئی (ہ س)۔ کولگام میں پولیس نے جمعرات کو کہا کہ ایک مشتبہ دہشت گرد ساتھی، جسے قبل ازیں اسپیشل آپریشن گروپ (ایس او جی) نے مبینہ طور پر حراست میں لیا تھا،اب جبکہ جنوبی کشمیر کے کولگام ضلع میں اس کے آبائی گاؤں کے قریب سے گرفتار کیا گیا۔ حکام کے مطابق اس شخص کی شناخت عادل حسین لون ولد محمد صادق لون ساکن محمد پورہ کولگام کے طور پر کی گئی ہے۔ پولیس نے بتایا کہ اسے محمد پورہ گاؤں کے قریب روکا گیا اور اس کے قبضے سے مبینہ طور پر کچھ پوسٹروں کے ساتھ دو دستی بم برآمد ہوئے۔ ذرائع نے بتایا کہ اسی شخص کو مبینہ طور پر ایس او جی کولگام نے 29 اپریل 2026 کو گرفتار کیا تھا۔ پولیس نے ایف آئی آر نمبر 88/2026 کے تحت پولیس اسٹیشن کولگام میں غیر قانونی سرگرمیاں (روک تھام) ایکٹ کی دفعہ 13، 16 اور 18-B کے علاوہ دھماکہ خیز مواد ایکٹ کی دفعہ 3/4 کے تحت مقدمہ درج کیا ہے۔ معاملے کی مزید تفتیش جاری ہے۔ ہندوستھان سماچار

ہندوستان سماچار / Aftab Ahmad Mir