کٹرا، ریاسی، مہور، گلاب گڑھ، نندیمارگ-کولگام فور لین شاہراہ کی ڈی پی آر ٹینڈر جاری

جموں، 21 مئی (ہ س)۔ نیشنل ہائی وے اتھارٹی آف انڈیا (این ایچ اے آئی) نے جموں و کشمیر میں مجوزہ کٹرا-ریاسی-مہور-گلاب گڑھ-نندیمارگ-کولگام فور لین شاہراہ پروجیکٹ کے لیے ڈیٹیلڈ پروجیکٹ رپورٹ (ڈی پی آر) تیار کرنے کا ٹینڈر جاری کر دیا ہے۔ سرکاری ای-پروکیورمنٹ پورٹل پر جاری کیے گئے ٹینڈر کے مطابق یہ مجوزہ شاہراہ کٹرا، ریاسی، مہور، گلاب گڑھ، نندیمارگ اور کولگام سے گزرتے ہوئے قومی شاہراہ این ایچ-44 سے منسلک ہوگی۔

یہ اہم پروجیکٹ جموں خطے اور جنوبی کشمیر کے درمیان سڑک رابطے کو مزید مضبوط اور تیز رفتار بنانے کے مقصد سے شروع کیا جا رہا ہے۔ این ایچ اے آئی نے ڈی پی آر کی تیاری کے لیے کنسلٹنسی خدمات طلب کی ہیں، جن میں فزیبلٹی اسٹڈی، روٹ الائنمنٹ، سرنگوں اور پلوں کی ضرورت، ٹریفک جائزہ اور پروجیکٹ کی لاگت کا تخمینہ شامل ہوگا۔ ٹینڈر دستاویزات کے مطابق آن لائن بولیاں جمع کرانے کی آخری تاریخ 22 جون مقرر کی گئی ہے، جبکہ موصولہ بولیاں 23 جون کو کھولی جائیں گی۔

ہندوستھان سماچار

---------------

ہندوستان سماچار / محمد اصغر