علی گڑھ، 20 مئی (ہ س)۔ نگلا ڈھک کی سرزمین مجاہدینِ آزادی کی مقدس جنم بھومی ہے۔ اس گاؤں نے ایک ہی خاندان سے پانچ مجاہدینِ آزادی ملک کو دیے ہیں، یہ سرزمین قابلِ احترام اور قابلِ تعظیم ہے۔ یہ خیالات راشٹریہ سویم سیوک سنگھ کے محکمہ پرچارک گووند جی نے عظیم مجاہدِ آزادی منشی چوب سنگھ کے نام پر نگلا ڈھک پنچایت گھر کے نامگذاری تقریب سے خطاب کرتے ہوئے ظاہر کیے۔

انہوں نے کہا کہ نئی نسل آج آزادی کی جدوجہد کی سنہری داستانوں سے ناواقف ہے، اس لیے ضروری ہے کہ مجاہدینِ آزادی کی قربانیوں اور خدمات کو پنچایت گھروں، اسکولوں اور کالجوں میں بیان کیا جائے تاکہ نئی نسل ان سے واقف ہو سکے۔

تقریب کے مہمانِ خصوصی اور سکندراراؤ کے رکن اسمبلی وریندر سنگھ رانا نے منشی چوب سنگھ کے نام پر یادگاری دروازہ تعمیر کرانے کا اعلان کیا اور حیرت کا اظہار کرتے ہوئے کہا کہ ایک ہی خاندان سے پانچ مجاہدینِ آزادی ہونا ان کے حلقے کے لیے باعثِ فخر ہے۔ انہوں نے گرام پردھان بھوپیندر سنگھ کشواہا کو یقین دلایا کہ علاقے کی ترقی کے لیے فنڈز کی کوئی کمی نہیں آنے دی جائے گی۔

بی جے پی ضلع صدر پریم سنگھ کشواہا نے ہاتھرس ضلع کی تحریکِ آزادی کی تاریخ پر مزید تحقیق کی ضرورت پر زور دیا۔ آزادی کا امرت مہوتسو کے کوآرڈینیٹر سریندر شرما نے اعلان کیا کہ علی گڑھ کی طرح ہاتھرس کے مجاہدینِ آزادی کی تصویری نمائش بھی ضلع ہیڈکوارٹر پر منعقد کی جائے گی۔

اس موقع پر چوب سنگھ خاندان کے دیگر مجاہدینِ آزادی، وید بھودیو ورما، مہاویر سنگھ، محترمہ رام پیاری دیوی اور محترمہ اُرمیلا دیوی کی تحریکِ آزادی میں خدمات سے متعلق پوسٹروں کی رونمائی بھی کی گئی۔

تقریب میں مجاہدِ آزادی خاندان سے دھرم ویر سنگھ، رگھو ویر سنگھ ایڈووکیٹ، ادے ویر سنگھ، ونئے کمار شرما، بسنت بنسل، دیویندر پرتاپ گوتم، سنگھ پرچارک شیو کمار گاندھی، جتیندر راجپوت، محترمہ رجنی تومر، محترمہ لکشمی شاکیہ، محترمہ ریتو، محترمہ سمن ورما، محترمہ شیل ورما، ویبھو سنگھ کشواہا، شیلندر پردھان، مہیندر سنگھ نیتا جی، پرکاش ویر کشواہا، رام بھروسی، ڈاکٹر مادھو سنگھ سمیت دیگر معزز شہری موجود رہے۔

پروگرام کی نظامت پنچایت سکریٹری سشیل کمار نے کی جبکہ گرام پردھان بھوپیندر سنگھ کشواہا نے شکریہ ادا کیا۔

---------------

ہندوستان سماچار / سید کامران علی گڑھ