جموں, 02 مئی (ہ س)ڈوڈہ کشتواڑ شاہراہ پر گٹسو، پل ڈوڈہ کے قریب پیش آئے ایک بڑے لینڈ سلائیڈ کے بعد ٹریفک کی نقل و حرکت مکمل طور پر معطل کر دی گئی ہے۔ٹریفک پولیس حکام کے مطابق لینڈ سلائیڈنگ کا واقعہ علی الصبح پیش آیا، جس کے نتیجے میں سڑک ملبے تلے دب گئی اور اس اہم شاہراہ پر آمد و رفت بند ہو گئی۔انہوں نے بتایا کہ سڑک کی بحالی کے لیے مشینری اور عملہ موقع پر تعینات کر دیا گیا ہے اور ملبہ ہٹانے کا کام تیزی سے جاری ہے، تاہم لینڈ سلائیڈ کی شدت کے باعث ٹریفک بحالی میں وقت لگ سکتا ہے۔حکام نے مسافروں کو ہدایت دی ہے کہ وہ فی الحال ڈوڈہ کشتواڑ شاہراہ پر سفر سے گریز کریں۔ انہوں نے کہا کہ صورتحال معمول پر آنے کے بعد ہی ٹریفک بحال کیا جائے گا۔ادھر انتظامیہ کا کہنا ہے کہ حالات پر مسلسل نظر رکھی جا رہی ہے اور مزید معلومات وقتاً فوقتاً جاری کی جائیں گی۔

ہندوستھان سماچار

---------------

ہندوستان سماچار / محمد اصغر