نئی دہلی، 15 مئی (ہ س)۔ نائب صدر جمہوریہ سی پی۔ رادھا کرشنن سکم میں یوم ریاست کی تقریبات میں شرکت کے لیے ہفتہ، 16 مئی کو گنگٹوک جائیں گے۔ عہدہ سنبھالنے کے بعد یہ ان کا ریاست کا پہلا دورہ ہوگا۔

قابل ذکر ہے کہ سکم کا یوم تاسیس ہر سال 16 مئی کو منایا جاتا ہے۔ یہ دن اس تاریخی واقعہ کی یاد مناتا ہے جب سکم ہندوستان کی 22ویں ریاست بنی۔ یہ دن نہ صرف ایک سیاسی تبدیلی کی نشاندہی کرتا ہے بلکہ سکم کی ثقافت، ورثے اور اتحاد کو بھی مناتا ہے۔ ہندوستان کی آزادی تک سکم ایک آزاد بادشاہی ریاست رہا۔ 1947 میں ہندوستان کی آزادی کے بعد، سکم نے ہندوستان کے ساتھ ایک خصوصی معاہدہ کیا، جس کے تحت یہ ایک محفوظ ریاست بن گیا۔ یہ حیثیت 1975 تک برقرار رہی۔

سکم، ہندوستان کی سب سے چھوٹی ریاست ہے اور اپنے مٹھوں کی وراثت کے لیے مشہور ہے۔یہاں مٹھوں کی تعداد 200 سے زیادہ ہے۔ سکم کی ثقافت ہندو مت اور بدھ مت کا ایک انوکھا امتزاج ہے، جو تین الگ الگ کمیونٹیز: لیپچا، بھوٹیا اور نیپالیوں کی روایات، عقائد اور رسم و رواج کے ساتھ گھل مل گئی ہے۔

---------------

ہندوستان سماچار / عبدالسلام صدیقی