سارن، 15 مئی (ہ س)۔ ضلع میں امن و امان کوبہتر بنانے اور جرائم پر قابو پانے کے مقصد سے سینئر سپرنٹنڈنٹ آف پولیس ونیت کمار نےدیررات ایک جامع معائنہ مہم چلائی۔ ایس ایس پی نے نہ صرف تھانوں کے کام کاج کا معائنہ کیا بلکہ رات کی گشت کی زمینی حقیقت کا جائزہ لینے کے لیے ذاتی طور پر بھی سڑکوں پر نکلے۔مہم کا آغاز مفصل تھانہ علاقہ نواجی ٹولہ چوک سے ہوا، جہاں ایس ایس پی نے ذاتی طور پر گاڑیوں کی چیکنگ مہم کا معائنہ کیا۔ انہوں نے مشکوک افراد کی تلاش کے لیے سخت ہدایات جاری کیں اور پولیس اہلکاروں کو ہدایت کی کہ وہ رات کی گشت کو محض رسمی نہ سمجھیں بلکہ اسے مزید فعال اور موثر بنائیں۔ انہوں نے واضح کیا کہ حساس علاقوں میں خصوصی چوکسی برقرار رکھی جائے اور ڈیوٹی میں کسی قسم کی کوتاہی ناقابل قبول ہو گی۔ مفصل تھانہ علاقہ کے نواجی ٹولہ چوک میں گاڑیوں کی چیکنگ مہم کا معائنہ کرنے کے بعد ایس ایس پی نے ٹاؤن تھانہ کا باقاعدہ معائنہ کیا۔ انہوں نے تھانہ احاطے، اسلحہ خانہ،ا سٹور روم اور لاک اپ کی حالت کو قریب سے دیکھا۔ اہم ریکارڈ کا معائنہ کرتے ہوئے انہوں نے زیر التوا مقدمات کی جلد از جلد تکمیل پر خصوصی زور دیا۔ تھانہ انچارج اور دیگر افسران سے ملاقات کرتے ہوئے ایس ایس پی نے کہا کہ وارنٹ پر بروقت عملدرآمد کیا جائے اور امتناعی قانون کی 100فیصد تعمیل کو یقینی بنایا جائے۔ سینئر سپرنٹنڈنٹ آف پولیس ونیت کمار نے پولیسنگ کو مزید حساس اور عوام دوست بنانے پر زور دیا۔ انہوں نے افسران کو ہدایت کی کہ وہ عوام کے ساتھ بہتر تال میل قائم کریں تاکہ شہریوں میں تحفظ کے احساس کو مضبوط کیا جا سکے۔ ایس ایس پی کے مطابق اس مہم کا بنیادی مقصد جرائم پیشہ افراد کے ذہنوں میں قانون کا خوف پیدا کرنا اور ضلع میں امن و امان کو برقرار رکھنا ہے۔ہندوستھان سماچار

ہندوستان سماچار / Mohammad Afzal Hassan