بہار کے مظفر پور اور کشن گنج میں لگے گی ڈالمیا کی فیکٹریپٹنہ، 15 مئی (ہ س)۔بڑی سرمایہ کاری کی تجاویز ریاست کے بدلتے ہوئے صنعتی منظرنامے کو مسلسل مضبوط کر رہی ہیں، بہار کی صنعتی ترقی کو نئی بلندیوں پر لے جارہی ہیں۔ مظفر پور کے مہوال انڈسٹریل ایریا میں 573.15 کروڑ روپے کی لاگت سے ڈالمیا بھارت گرین وژن لمیٹڈ کو 2.5 ایم ٹی پی اے یونٹ قائم کرنے کے لیے اسٹیج 1 کی منظوری دے دی گئی ہے۔ اس کے علاوہ ڈالمیا سیمنٹ (نارتھ ایسٹ) لمیٹڈ کو 573.76 کروڑ روپے کی سرمایہ کاری کے ساتھ کشن گنج میں 2.5 ایم ٹی پی اے صلاحیت کا یونٹ قائم کرنے کے لیے اسٹیج 1 کی منظوری دے دی گئی ہے۔ وزیر صنعت شریاسی سنگھ نے آج یہ اعلان کیا۔شریاسی سنگھ نے کہا کہ ریاستی حکومت سرمایہ کاروں کو بہتر سہولیات، فوری منظوری، اور ایک شفاف نظام فراہم کرنے کے لیے مسلسل کام کر رہی ہے، جو بہار کو تیزی سے ملک کے معروف صنعتی مقام کی طرف لے جا رہا ہے۔ محکمہ صنعت کے سکریٹری اور بی آئی اے ڈی اے اور آئی ڈی اے کے منیجنگ ڈائریکٹرکندن کمار نے کہا کہ سرمایہ کاروں کے مثبت جذبات کے نتیجے میں ملک کے سرکردہ صنعتی گروپ اب بہار کو توسیع کی ایک مضبوط منزل کے طور پر دیکھ رہے ہیں۔ کشن گنج اورمظفرپورمیں یہ مجوزہ پروجیکٹ نہ صرف صنعتی پیداواری صلاحیت میں اضافہ کریں گے بلکہ علاقائی ترقی اور اقتصادی سرگرمیوں کو بھی ایک اہم محرک فراہم کریں گے۔ دیگر اہم تجاویز میں امبوجا، کے این ایس جی ایلومینیم پرائیویٹ لمیٹڈ، ایس راج دیو بلڈس ایل ایل پی، آئیکن اسپائرل الیکٹرانکس پرائیویٹ لمیٹڈ، سیتا ایگرو فوڈ پراڈکٹس، اور ایس اے پی ایل انڈسٹریز پرائیویٹ لمیٹڈ کی سرمایہ کاری شامل تھی۔میٹنگ میں اسٹیج-1 کی منظوری ₹2,484.06 کروڑ کے 16 پروجیکٹوں کو دی گئی، جب کہ ₹46.86 کروڑ کی مالیت کے 4 پروجیکٹوں کو مالی منظوری دی گئی۔ یہ پروجیکٹ ریاست میں صنعتی ترقی، روزگار پیدا کرنے اور علاقائی اقتصادی سرگرمیوں کو تیز کریں گے۔ میٹنگ کے دوران سرمایہ کاری کی منظوری کے عمل کو آسان، شفاف اور تیز کرنے پر خصوصی زور دیا گیا۔ہندوستھان سماچار

ہندوستان سماچار / Mohammad Afzal Hassan