ناندیڑ، 15 مئی (ہ س)۔ ناندیڑ کے مال ٹیکڑی علاقے میں واقع سنت بابا برسنگھ جی پجاری چوک میں دیسی پستول لے کر گھومنے والے ایک شخص کو مقامی کرائم برانچ کی ٹیم نے گرفتار کر لیا۔ پولیس نے ملزم کے قبضے سے ایک دیسی پستول اور دو زندہ کارتوس برآمد کیے ہیں۔ اس معاملے میں ایئرپورٹ پولیس اسٹیشن میں مقدمہ درج کیا گیا ہے۔اطلاعات کے مطابق مقامی کرائم برانچ کے اسسٹنٹ پولیس انسپکٹر وٹھل گھوگرے اپنے ساتھی اہلکاروں کے ساتھ گشت پر تھے، اسی دوران انہیں خفیہ اطلاع ملی کہ مال ٹیکڑی علاقے کے فلائی اوور کے قریب سنت بابا برسنگھ جی پجاری چوک میں ایک شخص دیسی پستول لے کر گھوم رہا ہے۔اطلاع ملتے ہی اسسٹنٹ پولیس انسپکٹر وٹھل گھوگرے اور ان کی ٹیم فوری طور پر موقع پر پہنچی اور مشتبہ انداز میں گھومنے والے ایک شخص کو حراست میں لے لیا۔پولیس نے اس کی تلاشی لی تو اس کے قبضے سے ایک دیسی پستول اور دو زندہ کارتوس برآمد ہوئے۔اس معاملے میں اسسٹنٹ پولیس انسپکٹر وٹھل گھوگرے کی شکایت پر ایئرپورٹ پولیس اسٹیشن میں مقدمہ درج کیا گیا ہے۔مقامی کرائم برانچ نے گرفتار ملزم پرجول اُتم گوندے کو برآمد شدہ اسلحہ اور کارتوس سمیت ایئرپورٹ پولیس اسٹیشن کے حوالے کر دیا ہے۔یہ کارروائی پولیس سپرنٹنڈنٹ ابھیناش کمار، ایڈیشنل پولیس سپرنٹنڈنٹ سورج گرو کی رہنمائی میں مقامی کرائم برانچ کے پولیس انسپکٹر اتل بھوسلے، اسسٹنٹ پولیس انسپکٹر وٹھل گھوگرے اور ان کے ساتھی گووند راٹھوڑ، صاحب راؤ قدم اور اکبر پٹھان نے انجام دی۔

ہندوستھان سماچار

--------------------

ہندوستان سماچار / جاوید این اے