پٹنہ، 15 مئی (ہ س)۔ سمراٹ چودھری آج وزیر اعلیٰ رہائش گاہ سے وزیر اعلیٰ سکریٹریٹ تک پیدل ہی چل کر دفتر پہنچے ۔

وزیر اعظم نریندر مودی کی پٹرول اور ڈیزل کی کھپت کو کم کرنے اور ماحولیات کے تحفظ کی اپیل کا اثراب بہار کی سیاست میں بھی نظرآ رہی ہے۔ سمراٹ چودھری جمعہ کے روز نو وہیکل ڈے منا رہے ہیں۔ وہ وزیر اعلیٰ کی رہائش گاہ سے سکریٹریٹ تک 50 میٹر پیدل گئے۔

وزیراعلیٰ کے اقدام کے بعد سکریٹریٹ کے افسران اور ملازمین نے بھی گاڑیاں استعمال کرنے سے گریز کیا۔ سکریٹریٹ کے ملازمین سائیکل اور پبلک ٹرانسپورٹ کے ذریعے دفتر آئے۔ سکریٹریٹ کمپلیکس کے اردگرد سرکاری گاڑیوں کی تعداد معمول سے کم تھی جب کہ کئی اہلکار خود گاڑی چلاتے یا دفتر جاتے ہوئے نظر آئے۔

گزشتہ جمعرات کے روز وزیر اعلی صرف تین گاڑیوں میں پٹنہ سے دربھنگہ کے ہوائی اڈے پر پہنچے۔ اس سے پہلے ان کا قافلہ 19 گاڑیوں پر مشتمل تھا۔ دربھنگہ میں ایک تقریب میں انہوں نے لوگوں سے پبلک ٹرانسپورٹ کا استعمال کرنے اور نجی اور سرکاری دفاتر میں گھر سے کام کرنے کی اپیل کی۔ وزراء اور عوامی نمائندے اپنی گاڑیوں کا استعمال کم کریں۔ ہفتہ کے ایک دن کو ’’نو وہیکل ڈے‘‘ قرار دیا جائے۔

ایندھن کو بچانے کے وزیر اعظم کے پیغام پر پہل کرتے ہوئے بہار کے کانوں، ارضیات، اور آرٹس اینڈ کلچر کے وزیر ڈاکٹر پرمود کمار نے جمعرات کے روز ٹرین کے ذریعے گیا کا سفر کیا۔ اس دوران مرکزی وزیر نتیا نند کے دورہ بہار کے دوران ان کی سیکورٹی میں ایک سی آر پی ایف گاڑی اور بہار پولیس کی دوسری گاڑی شامل ہوگی۔ نتیانند کے دفتر نے اس بارے میں بہار حکومت کو خط لکھا ہے۔

ہندوستھان سماچار

ہندوستان سماچار / Mohammad Afzal Hassan